ကမ္ဘောဒီးယား နယ်စပ်အနီး မြေမြှုပ်မိုင်း ပေါက်ကွဲမှုကြောင့် ထိုင်းစစ်သားတွေ ဒဏ်ရာ ရရှိခဲ့ပြီးနောက်ထိုင်း-ကမ္ဘောဒီးယားကြား နယ်စပ်တင်းမာမှု ပြန် မြင့်တက်လာတဲ့အတွက် နှစ်နိုင်ငံကြား ငြိမ်းချမ်းရေး ဆွေးနွေးမှုတွေကို နောက်တကြိမ်လက်ခံကျင်းပရေး မလေးရှားက ထပ်မံကမ်းလှမ်းထားတယ်လို့ သိရပါတယ်။
နှစ်နိုင်ငံ ခေါင်းဆောင်တွေကလည်း သဘောတူထားပြီလို့ မလေးရှားဝန်ကြီးချုပ် အန်ဝါက အတည်ပြုပြောကြားလိုက်ပါတယ်။
နိုဝင်ဘာ ၁၃ ရက်က ထိုင်းဝန်ကြီးချုပ်၊ ကမ္ဘောဒီးယားဝန်ကြီးချုပ်တို့နဲ့ ဖုန်းနဲ့ ဆက်သွယ် ဆွေးနွေးခဲ့ကြောင်း မလေးရှားဝန်ကြီးချုပ်က ဖေ့စ်ဘွတ်ခ်ပေါ်မှာ ဖော်ပြထားခြင်းလည်းဖြစ်ပါတယ်။
