၃ မေ ၂၀၂၆ | New Day Myanmar
အမေရိကန်နိုင်ငံ၊ New York City မြို့ရှိ Foley Square မှာ ဒီကနေ့ မေလ ၃ ရက်နေ့ ပြည်ပရောက် မြန်မာနိုင်ငံသားတွေ စုပေါင်းပြီး နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်သက်ရှိထင်ရှားရှိကြောင်း ခိုင်လုံတဲ့ အထောက်အထား (Proof of Life) ပြသပေးဖို့နဲ့ နိုင်ငံရေးအကျဉ်းသားအားလုံး လွတ်မြောက်ရေးအတွက် ဆန္ဒထုတ်ဖော် လှုပ်ရှားမှုတစ်ရပ် ပြုလုပ်ခဲ့ကြပါတယ်။
အဆိုပါလှုပ်ရှားမှုမှာ ပါဝင်သူတွေဟာဒေါ်အောင်ဆန်းစုကြည် ရဲ့ လက်ရှိအခြေအနေကို ခိုင်လုံစွာ သိရှိနိုင်ရေးအတွက် နိုင်ငံတကာအသိုင်းအဝိုင်းက ဝိုင်းဝန်းဖိအားပေးရန် တောင်းဆိုခဲ့ကြပါတယ်။
ဒါ့အပြင် Spring Coalition for a Federal Democratic Myanmar (SCEF) အနေနဲ့ ပြည်သူလူထုရဲ့ ထောက်ခံမှု အပြည့်အဝ ရရှိထားကြောင်းကိုလည်း ထုတ်ဖော်ပြသခဲ့ပါတယ်။
ဆန္ဒထုတ်ဖော်ပွဲကို တက်ရောက်လာတဲ့ တော်လှန်ရေးအင်အားစုတွေက စစ်ခေါင်းဆောင်နဲ့ အာဏာသိမ်းအစိုးရကို လုံးဝလက်မခံကြောင်း၊ ကမ္ဘာသိ ဆန့်ကျင်ကန့်ကွက်ကြောင်း စသည်ဖြင့် ကြွေးကြော်ခဲ့ကြပါတယ်။
ဒီလှုပ်ရှားမှုကို New York ပြည်နယ်နဲ့ အနီးဝန်းကျင်ဒေသများမှ ပြည်သူတွေ တခဲနက် ပူးပေါင်းပါဝင်ခဲ့ကြတယ်လို့ သိရပါတယ်။
