ငလျင်ဒဏ်ကြောင့် လျှပ်စစ်တာဝါတိုင်တွေ ပျက်စီးသွားလို့ ရန်ကုန်မှာ တရက်ကို ၄ နာရီသာမီးရရှိတော့မှာဖြစ်ပါတယ်။
မတ်လ ၂၉ ရက်ကစပြီး တရက်ကို အုပ်စု ၆ စုနဲ့ ၄ နာရီမီးပေးသွားမယ်လို့ ရန်ကုန်လျှပ်စစ်ဓာတ်အားပေးရေးကော်ပိုရေးရှင်းက ထုတ်ပြန်ထားပါတယ်။
မြေငလျင်ဒဏ်ကြောင့် ဓာတ်အားစနစ်အတွင်းကို ဓာတ်အားထုတ်လုပ် ပို့လွှတ်လျှက်ရှိတဲ့ ဓာတ်အားပေးစက်ရုံ၊ ခွဲရုံနဲ့ ဓာတ်အားလိုင်းတွေရဲ့ ဓာတ်လွှတ်ပစ္စည်းတွေ ချို့ယွင်းပျက်စီးမှုဖြစ်ပေါ်ခဲ့ပါတယ်။ ဒါကြောင့် ဓတ်အားစနစ်မှ ဓာတ်အားချိတ်ဆက်ပို့လွှတ်နိုင်ခြင်း မရှိစဉ်ကာလအတွင်း ရန်ကုန်တိုင်းဒေသကြီးအတွင်းရှိ Gas Turbine တွေကနေဓာတ်အားထုတ်လုပ်ဖြန့်ဖြူးနိုင်ဖို့ ကြိုးပမ်းစီမံဆောင်ရွက်လျှက်ရှိတယ်လို့ ဆိုပါတယ်။
ဒါကြောင့် မတ်လ ၂၉ ရက်ကစပြီး နေ့မှစပြီး မနက် ၅ နာရီ အချိန်ကနေစပြီး ၂၄ နာရီ တရက်အတွင်းအုပ်စု ၆ ခုနဲ့ ၄ နာရီနှုန်းခန့်သာ မီးပေးသွားမှာဖြစ်တယ်လို့ သိရပါတယ်။
ဒါဟာလည်း ရေတင်နိုင်ဖို့ အတွက် ဓာတ်အားဖြန့်ဖြူးပေးတာဖြစ်ပြီး နိုင်ငံတော်ဓာတ်အားစနစ်ကနေ ဓာတ်အားပြန်လည်ချိတ်ဆက် ပို့လွှတ်ပေးနိုင်မှ ပုံမှန်အတိုင်း ဓာတ်အားပြန်လည် ဖြန့်ဖြူးပေးနိုင်မယ်လို့ဆိုပါတယ်။
ဓါတ်ပုံ – လူမှုကွန်ရက်
