၇ ဇူလိုင် ၂၀၂၆ | New Day Myanmar
ရန်ကုန်တိုင်း၊ တောင်ဥက္ကလာပမြို့နယ်၊ ၁၄/၁ ရပ်ကွက်၊ သံသုမာလမ်းနဲ့ မြင်သာ (၈) လမ်းထိပ်အနီးမှာ အမျိုးသားတဦး သေဆုံးလျက်ရှိနေတာကို ဇူလိုင် ၇ ရက် ညနေပိုင်းက တွေ့ရှိခဲ့တယ်လို့ သိရပါတယ်။
သေဆုံးသူဟာ လမ်းဘေးမှာ နေထိုင်သူတဦးဖြစ်တယ်လို့ ကနဦးသိရှိရပြီး ဖြစ်စဉ်ကို မေတ္တာသီတာရစင် လူမှုကူညီရေးအသင်းက သွားရောက်ကူညီဆောင်ရွက်ပေးခဲ့တယ်လို့ အသင်းရဲ့ အသိပေးချက်အရ သိရပါတယ်။
အဲဒီနောက် သေဆုံးသူရဲ့ ရုပ်အလောင်းကို စံပြဆေးရုံကြီးကတဆင့် ရန်ကုန်ပြည်သူ့ဆေးရုံကြီးကို ပို့ဆောင်ကူညီပေးခဲ့တယ်လို့ ဆိုပါတယ်။
လက်ရှိမှာ သေဆုံးရတဲ့ အကြောင်းရင်းကို မသိရှိရသေးဘဲ သက်ဆိုင်ရာတာဝန်ရှိသူတွေက ဆက်လက်စစ်ဆေးနေတယ်လို့ သိရပါတယ်။
