ဘန်ကောက်မြို့ကို BIMSTEC အစည်းအဝေးတက်ဖို့ ရောက်ရှိနေတဲ့ စစ်ခေါင်းဆောင် မင်းအောင်လှိုင် ကို ဖမ်းဆီးပေးဖို့ အပြည်ပြည်ဆိုင်ရာ ရဲတပ်ဖွဲ့ (INTERPOL) အဖွဲ့ဝင်နိုင်ငံဖြစ်တဲ့ ထိုင်းကို Burmese Rohingya Organisation UK ဒီနေ့မှာတောင်းဆိုလိုက်ပါတယ်။
စစ်ခေါင်းဆောင် မင်းအောင်လှိုင်ကို ရိုဟင်ဂျာလူမျိုးတုံးသတ်ဖြတ်မှုနဲ့ ဖေဖော်ဝါရီ ၁၃ ရက်နေ့က အာဂျင်တီး နားနိုင်ငံ တရားရုံးက ဖမ်းဝရမ်းထုတ်ခဲ့ပြီးနောက် ဧပြီ ၁ ရက်နေ့တွင် အပြည်ပြည်ဆိုင်ရာ ရဲတပ်ဖွဲ့ထံ အကြောင်း ကြားခဲ့ပြီးဖြစ်တယ်လို့ BROUK အဖွဲ့က ပြောဆိုထားပါတယ်။
ထိုင်းနိုင်ငံသည် ၁၉၅၁ ခုနှစ်ကတည်းက အပြည်ပြည်ဆိုင်ရာ ရဲတပ်ဖွဲ့ (INTERPOL) အဖွဲ့ဝင်နိုင်ငံ တခုဖြစ်ခဲ့ပြီး ဝရမ်းထုတ်ခံထားရသူကို INTERPOL အဖွဲ့ဝင်နိုင်ငံတွင် တွေ့ရှိပါက လုပ်ငန်းစဉ်အရ တရားရုံးသို့ တရားဝင်လွှဲ ပြောင်းပေးရန် BROUK က တိုက်တွန်းထားပါတယ်။
စစ်ခေါင်းဆောင် မင်းအောင်လှိုင်အပါအဝင် ရိုဟင်ဂျာလူမျိုးတုံးသတ်ဖြတ်မှုတွင် ပါဝင်သူ စစ်ကောင်စီအရာရှိ ၂၃ ဦး နဲ့ နိုင်ငံတော်အတိုင်ပင်ခံပုဂ္ဂိုလ် ဒေါ်အောင်ဆန်းစုကြည်၊ သမ္မတဟောင်း ဦးထင်ကျော် တို့ကို အာဂျင် တီးနားနိုင်ငံ၊ ဗျူနိုအေးရိစ်မြို့ တရားရုံးက ရိုဟင်ဂျာလူမျိုးတုံးသတ်ဖြတ်မှုနဲ့ ဖမ်းဝရမ်းထုတ် ထားတာလည်း ဖြစ်ပါတယ်။
ဓာတ်ပုံ – The Reporters
