၃၁ မတ် ၂၀၂၆ | New Day Myanmar
ဒေါ်အောင်ဆန်းစုကြည် အသက်ရှင်နေသေးကြောင်း အမြန်ဆုံး သက်သေပြဖို့ သူမရဲ့သားဖြစ်သူက စစ်ကော်မရှင်ကို တိုက်တွန်းလိုက်ပြီး နိုင်ငံရေးအကျဉ်းသားတွေ အားလုံးအပေါ် တာဝန်ယူမှုရှိဖို့လည်း တောင်းဆိုလိုက်ပါတယ်။
သူက မင်းအောင်လှိုင်နဲ့ စစ်အုပ်စုဟာ ပြည်သူတွေရဲ့ ဆန္ဒကို ကြောက်ရွံ့နေပြီး အာဏာကို လုယူထားကြတာဖြစ်တယ်လို့ ဝေဖန်ခဲ့ပါတယ်။ ဒါ့အပြင် ဒေါ်အောင်ဆန်းစုကြည်နဲ့ သူမပါတီရဲ့ ရွေးကောက်ပွဲအနိုင်ရလဒ်တွေကိုပါ ကြောက်ရွံ့ခဲ့တာကြောင့် အာဏာသိမ်းမှု ဖြစ်ပေါ်လာတာလို့ ဆိုပါတယ်။
လက်ရှိမှာ စစ်ကော်မရှင်ဘက်က အာဏာကို အရပ်သားအစိုးရ ပြန်လည်တည်ထောင်မှု လို့ ဖော်ပြဖို့ ကြိုးစားနေတယ်လို့ သူက ပြောပြီး အဲ့ဒီအခြေအနေဟာ ဒီမိုကရေစီမဟုတ်ဘဲ လိမ်လည်မှုသာ ဖြစ်တယ်လို့ ဝေဖန်ခဲ့ပါတယ်။
ဒေါ်အောင်ဆန်းစုကြည်အပါအဝင် နိုင်ငံရေးအကျဉ်းသား ထောင်ပေါင်းများစွာဟာ ယနေ့ထိ ဖမ်းဆီးခံထားရဆဲဖြစ်ပြီး ကမ္ဘာနဲ့ အဆက်ဖြတ်ထားခံထားရတယ်လို့လည်း ပြောပါတယ်။
ဒါကြောင့် ဒေါ်အောင်ဆန်းစုကြည်နဲ့ နိုင်ငံရေးအကျဉ်းသားအားလုံး အသက်ရှင်နေသေးကြောင်း သက်သေကို ချက်ချင်း ပြသပေးဖို့ မင်းအောင်လှိုင်ကို တိုက်တွန်းခဲ့ပါတယ်။
ဒါ့အပြင် နိုင်ငံတကာခေါင်းဆောင်တွေကိုလည်း စစ်အုပ်စုကို တရားဝင်ခွင့်မပြုဖို့နဲ့ လက်ရှိဖြစ်ပေါ်နေတဲ့ လူ့အခွင့်အရေးချိုးဖောက်မှုတွေ၊ ပြည်သူတွေ အထူးသဖြင့် ကလေးတွေကို သတ်ဖြတ်မှုတွေ အတွက် တာဝန်ခံစေရန် အရေးယူဆောင်ရွက်ဖို့ တောင်းဆိုခဲ့ပါတယ်။
“ဒီအခြေအနေကို အဆုံးသတ်ရမယ်” လို့ သူက အလေးထား ပြောကြားခဲ့ပါတယ်။
