စစ်ကော်မရှင်ဦးဆောင်ကျင်းပမယ့် ရွေးကောက်ပွဲမှာ ဖားကန့်မြို့နယ်ပြည်သူ့ လွှတ်တော်မဲဆန္ဒနယ်အားလုံးပါဝင်နေတာတွေ့ရှိရပြီး လက်တွေ့မြေပြင်အခြေဟာ နေ့စဉ် တိုက်ပွဲတွေဖြစ်ပွားနေတယ်လို့ဒေသခံတဦးကNew Day Myanmar ကို ပြောပါတယ်။
ဖားကန့်ဒေသ မဲဆန္ဒနယ်မြေမှာ မဲအများဆုံးရသူ အနိုင်ယူစနစ်နဲ့ကျင်းပပြုလုပ်မယ်လို့ စစ်ကော်မရှင် UEC က ထုတ်ပြန်ထားပြီး၊ ပြည်သူ့လွှတ်တော်က်ုယ်စားလှယ်တဦးအတွက် ဖားကန့်မြို့နယ်တခုလုံး ပါဝင်လာတာဖြစ်ပါတယ်။
“အခုထိကို တိုက်ပွဲတွေကဖြစ်နေတုန်း၊ အချိန်မရွေးလက်နက်ကြီးတွေနဲ့ပစ်တယ်။လေကြောင်းတိုက်ခိုက်တာတွေရှိတယ်။ ရွေးကောက်ပွဲအတွက်မံထည့်ဖို့နေနေ သာသာ ဒေသခံတွေက စစ်ရှောင်နေကြတာ ပွစာကြဲနေပြီ”ဟု ဆိုပါတယ်။
ဒီနေ့ ဩဂုတ်လ ၁၈ ရက်မှာတော့ စစ်ကော်မရှင်ရဲ့ ဩဇာခံ ရွေးကောက်ပွဲကော်မရှင်ဟာ ၂၀၂၅ခုနှစ်၊ဒီဇင်ဘာလ ၂၈ ရက်နေ့မှာရွေးကောက်ပွဲ အပိုင်း ၁ အနေနဲ့ ကျင်းပမယ်လို့ ထုတ်ပြန်ခဲ့ပါတယ်။
ဖားကန့်မဲဆန္ဒနယ်မြေအပါ ကချင်ပြည်နယ်တပြည်နယ်လုံးအတွက် ပြည်သူ့လွတ်တော် ကိုယ်စားလှယ်ကို မဲန္ဒနယ်တခုမှာ ၁ ဦးစီနဲ့ ၁၈ ဦး သတ်မှတ်ထားတာကို တွေ့ရှိရပါတယ်။
