၂ မတ် ၂၀၂၆ | New Day Myanmar
စစ်ကော်မရှင်က တောင်သူလယ်သမားနေ့ အထိမ်းအမှတ်အနေနဲ့ စစ်လော်ဘီ ၈ ဦးကို ဒုတိယအဆင့် လူမှုထူးချွန်တံဆိပ်တွေ ပေးအပ်လိုက်တယ်လို့ ဒီနေ့ မတ်လ ၂ ရက်မှာ ကြေညာလိုက်ပါတယ်။
ဒီတံဆိပ်ပေးအပ်မှုကို တောင်သူလယ်သမားနေ့နဲ့ တပြိုင်တည်း ကျင်းပခဲ့တာဖြစ်ပြီး စစ်လော်ဘီ ၈ ဦးအပါအဝင် စစ်ကော်မရှင်လက်အောက်ခံ ဝန်ထမ်းတွေ၊ အနုပညာရှင်တွေ စုစုပေါင်း ၂၀၀ ကျော်ကို တစ်ပြိုင်တည်း ပေးအပ်ခဲ့တာဖြစ်ပါတယ်။
ဒုတိယအဆင့် လူမှုထူးချွန်တံဆိပ် ရရှိခဲ့တဲ့ စစ်လော်ဘီ ၈ ဦးမှာ
အွန်လိုင်းဝဏ္ဏ၊ နောင်တော်လေး၊ ကျော်စိုးဦး၊ အောင်ကျော်မိုး၊ ထူးမောင်မောင်၊ ခက်နှင်းဆု၊ သဇင်ဦး နဲ့ အောင်မင်းတို့ ပါဝင်ပါတယ်။
ဒါအပြင် လူမှုထူးချွန်တံဆိပ် ပထမအဆင့်မှာတော့ သရုပ်ဆောင် ရဲအောင်၊ အောင်ခိုင်၊ ဇော်ဦး၊ မြင့်မြတ် နဲ့ တေးရေးပညာရှင် မင်းဇော်တို့ကို ပေးအပ်ခဲ့ပါတယ်။
ဒုတိယအဆင့် လူမှုထူးချွန်တံဆိပ်ကိုတော့ အဆိုတော် L ဆိုင်းဇီ၊ နီနီခင်ဇော်၊ စိုးစန္ဒာထွန်း နဲ့ ထူးအယ်လင်းတို့လည်း ရရှိခဲ့ကြပြီး တတိယအဆင့်အနေနဲ့ အဆိုတော် မနော၊ J Fire၊ မေသက်ထားဆွေ၊ ဗီဗာဟိန်း၊ စိုးသီဟ၊ ဇော်ဝင်းနိုင် (မန်း)၊ ဆင်မ၊ ခင်လှိုင် နဲ့ နေထူးနိုင်တို့ ပါဝင်လာခဲ့ပါတယ်။
အလားတူ အလင်္ကာကျော်စွာဘွဲ့ကိုတော့ အဆိုပညာရှင် ဦးသန်းမြတ်စိုး၊ ဦးကေတုဝင်းထွဋ် နဲ့ သရုပ်ဆောင် ခန့်စည်သူတို့ ရရှိခဲ့တာကိုလည်း တွေ့ရပါတယ်။
ဒီလို စစ်လော်ဘီတွေနဲ့ စစ်ကော်မရှင်နဲ့ နီးစပ်သူတွေကို တံဆိပ်တွေ ပေးအပ်တာဟာ လူထုအပေါ် စစ်ရေးဖိနှိပ်မှုတွေ ဆက်လက်လုပ်ဆောင်နေတဲ့ အချိန်နဲ့ တပြိုင်တည်း ဖြစ်ပေါ်လာတာကြောင့် လူမှုကွန်ရက်ပေါ်မှာ ဝေဖန်သုံးသပ်မှုတွေ ထပ်မံ ထွက်ပေါ်နေပါတယ်။
