စစ်ကော်မရှင်ရဲ့ ထောင်ချောက်ကိုတော် လှန်ရေး အင်အားစုတွေ စုစည်းညီညွတ်စွာနဲ့ကျော်လွှားဖို့ အမျိုးသားညီညွတ်ရေးအစိုးရ(NUG)က တိုက်တွန်းလိုက်ပါတယ်။
ဒီကနေ့ ဩဂုတ်၂၀ ရက်မှာပြုလုပ်တဲ့ NUG ရဲ့ပြည်သူလူထုနဲ့ နိုင်ငံတကာကို သတင်းပြောကြားတဲ့အစီအစဉ်မှာ ပြည် ထောင်စုဝန်ကြီးချုပ်ရုံး ပြောရေးဆိုခွင့် ရှိသူ ဦးနေဘုန်းလတ်က အခုလိုပြောကြား လိုက်တာဖြစ်ပါတယ်။
ဦးနေဘုန်းလတ်က စစ်ကော်မရှင်ဟာတရားမဝင်အတုအယောင်ရွေးကောက်ပွဲတခုကို ဟန်ပြပြုလုပ်ပြီး အာဏာတည်မြဲရေးနဲ့ ပြည်သူလူထုအပေါ် ကျူးလွန်ခဲ့၊ကျူးလွန်နေတဲ့ စစ်ရာဇဝတ်မှုတွေအတွက် ပြစ်ဒဏ်ကင်းလွတ်ခွင့်ရရှိဖို့ ကြိုးပမ်းနေတာဖြစ်တယ်လို့ သူက ဆိုပါတယ်။
“၂၀၂၀ရွေးကောက်ပွဲရလဒ်အရပေါ် ပေါက်လာတဲ့ပြည်ထောင်စုလွှတ်တော်ကိုယ်စားပြုကော်မတီဟာ၂၀၂၁ခုနှစ် မတ်လ ၃၀ ရက်နေ့မှာ၂၀၀၈ ဖွဲ့စည်းပုံအခြေခံဥပဒေကိုပယ်ဖျက်ကြောင်းကြေညာခဲ့ပြီးဖြစ်တာကြောင့် ဒီအခြေခံဥပဒေအောက်ကနေလုပ်ဆောင်လျက်ရှိတဲ့ တ ရားမဝင်အတုအယောင်ရွေးကောက်ပွဲအပါအဝင် အကြမ်းဖက်စစ်တပ်ရဲ့ လုပ် ရပ်မှန်သမျှဟာ တရားဝင်မှုမရှိတဲ့ဥပဒေမဲ့လုပ်ရပ်တွသာဖြစ်တာကြောင့် ဒီလုပ် ရပ်တွေမှာ ပူးပေါင်းပါဝင်သူ၊ ထောက်ခံအားပေးသူတွေအနေနဲ့ သတိချပ်ကြဖို့ သတိပေးလိုပါတယ်”လို့ ဦးနေဘုန်းလတ်က ပြောပါတယ်။
ဒါအပြင် စစ်ကော်မရှင်ဇွတ်အတင်းကြိုးပမ်းနေတဲ့ တရားမဝင်အတုအယောင် ရွေးကောက်ပွဲအတွက် လက်မခံတဲ့တိုင်း ရင်းသားတော်လှန်းရေးအဖွဲတွေ၊ နွေဦးတော်လှန်ရေးအင်အားစုတွေ သဘော ထားတခုတည်းဖြစ်တယ်လို့ NUG က ဆိုထားပါတယ်။
စစ်ကော်မရှင်ရဲ့ တရားမဝင်ရွေးကောက် ပွဲအတွက် ကရင်အမျိုးသားအစည်းအရုံး (KNU)၊ အာရက္ခတပ်တော် (AA)၊ ကချင်လွတ်မြောက်ရေးတပ်မတော် (KIA)၊ ကရင်အမျိုးသား တိုးတက်ရေးပါတီ (KNPP) စတဲ့ တိုင်းရင်းသားတော်လှန်ရေးအဖွဲ့တွေအပါအဝင် နွေဦးတော်လှန်ရေး အင်အားစုတွေကလက်မခံဘူးလို့ တရားဝင်ပြောကြားထားပါတယ်။
စစ်ကော်မရှင်ဟာပြည်သူကိုပစ်မှတ်ထားတဲ့လုပ်ရပ်တွေထဲကမှ ဩဂုတ် ၁ ရက်ကနေ ၁၄ရက်အထိ ၂ ပတ်အတွင်းမန္တလေး၊ စစ်ကိုင်း၊ မကွေး၊ ရခိုင် ပြည်နယ်တွေအပြင်တိုင်းနဲ့ ပြည်နယ် ၁၀ ခုမှာအရပ်သားပြည်သူလူထုကို ပစ်မှတ်ထားတဲ့ လေကြောင်းတိုက်ခိုက်မှုအနည်းဆုံး အကြိမ် ၅၀ ကျော်ရှိခဲ့တယ်လို့ဆိုပါတယ်။
ဓာတ်ပုံ- NUG
