၁၀ မေ ၂၀၂၆ | New Day Myanmar
Miss Grand Myanmar ပြိုင်ပွဲမှာ သီလရှင်ဝတ်စုံနဲ့ ယှဉ်ပြိုင်ခဲ့တဲ့ တာချီလိတ်ကိုယ်စားပြု အလှမယ် အိမွန်လွင်နဲ့ ပွဲစီစဉ်သူ မရမ်ဆိုင်းနော်တို့ကို စစ်ကော်မရှင်တရားရုံးက သာသနာညိုးနွမ်းစေမှုအပါအဝင် စွဲချက်တွေနဲ့ ဒီကနေ့ မေ ၁၀ ရက်မှာ အလုပ်ကြမ်းနဲ့ ထောင်ဒဏ် ၄ နှစ်စီ အသီးသီး ချမှတ်လိုက်တယ်လို့ ရှေ့နေအသိုင်းအဝိုင်းဆီက သိရပါတယ်။
ဒါ့အပြင် ပြိုင်ပွဲကျင်းပခဲ့တဲ့ Eravati Sule Grand Yangon ဟိုတယ်ရဲ့ မန်နေဂျာကိုလည်း ထောင်ဒဏ် ၆ လ ချမှတ်ခဲ့ပြီး ဟိုတယ်ကိုပါ ၆ လကြာ ယာယီပိတ်သိမ်းဖို့ အမိန့်ထုတ်ပြန်ခဲ့တယ်လို့ သိရပါတယ်။
အဆိုပါဖြစ်စဉ်ဟာ လူမှုကွန်ရက်ပေါ်မှာ ပျံ့နှံ့ခဲ့တဲ့ သီလရှင်ဝတ်စုံနဲ့ ယှဉ်ပြိုင်မှုဗီဒီယိုဖိုင်တွေကြောင့် ပြင်းထန်တဲ့ ဝေဖန်မှုတွေ ထွက်ပေါ်လာပြီးနောက် အရေးယူမှုတွေ ဆက်တိုက် ဖြစ်ပေါ်လာတာလည်း ဖြစ်ပါတယ်။
လက်ရှိမှာတော့ Miss Grand Myanmar အဖွဲ့အစည်းက အလှမယ် အိမွန်လွင်ကို ပြိုင်ပွဲဝင်အဖြစ်ကနေ ထုတ်ပယ်ထားပြီး ကျန်ရှိတဲ့ ပြိုင်ပွဲအစီအစဉ်တွေကိုလည်း ရက်အကန့်အသတ်မရှိ ရွှေ့ဆိုင်းထားတယ်လို့ သိရပါတယ်။
