၁၇ ဇူလိုင် ၂၀၂၆ | New Day Myanmar
ရန်ကုန်တိုင်း၊ မင်္ဂလာဒုံမြို့နယ် အမှတ် (၃) လမ်းပေါ်မှာ ဒီကနေ့ ဇူလိုင် ၁၇ ရက် မနက်အစောပိုင်းက အမျိုးသားတဦး ကားတိုက်ခံရပြီး သေဆုံးခဲ့သလို ယာဉ်မောင်းကလည်း ရပ်တန့်တာမရှိဘဲ ထွက်ပြေးသွားခဲ့တယ်လို့ ကူညီကယ်ဆယ်ရေးအဖွဲ့တွေဆီက သိရပါတယ်။
ဖြစ်စဉ်ဟာ မနက် ၆ နာရီဝန်းကျင်မှာ ဖြစ်ပွားခဲ့တာဖြစ်ပြီး အမည်မသိ အမျိုးသားတဦးကို ယာဉ်တစီးက ဝင်တိုက်ခဲ့တာဖြစ်ပါတယ်။ ယာဉ်တိုက်မှုဖြစ်ပြီးနောက် ယာဉ်မောင်းဟာ အခင်းဖြစ်နေရာမှာ ရပ်တန့်တာမရှိဘဲ မောင်းနှင်ထွက်ပြေးသွားခဲ့တယ်လို့ ဆိုပါတယ်။
သေဆုံးသူရဲ့ အမည်နဲ့ နေရပ်လိပ်စာကိုတော့ လက်ရှိအချိန်အထိ အတည်မပြုနိုင်သေးပါဘူး။
ရုပ်အလောင်းကို ရှင်သန်ရေးကူညီမှုအသင်းက မြောက်ဥက္ကလာပ ပြည်သူ့ဆေးရုံကြီး ရင်ခွဲရုံကို ပို့ဆောင်ကူညီပေးခဲ့တယ်လို့ သိရပါတယ်။
လက်ရှိမှာတော့ သက်ဆိုင်ရာတာဝန်ရှိသူတွေက ယာဉ်တိုက်မှုဖြစ်စဉ်နဲ့ ထွက်ပြေးသွားတဲ့ ယာဉ်မောင်းကို စုံစမ်းဖော်ထုတ်နေတယ်လို့ သိရပါတယ်။
