၂၁ မတ်၊ ၂၀၂၅
ကုလသမဂ္ဂ လူ့အခွင့်အရေး အထူးကိုယ်စားလှယ် မစ္စတာ တွမ်အင်ဒရူးကုလသမဂ္ဂ လူ့အခွင့်အရေးကောင်စီထံ အစီရင်ခံစာ တစောင်ကို ဒီသီတင်းပတ်ထဲမှာ တင်သွင်းခဲ့ပြီး အဲ့ဒီအထဲမှာ မြန်မာပြည်သူတွေ ကြုံရနိုင်တဲ့ အဓိက အချက် ၂ချက်ကိုဖော်ပြထားပါတယ်။
အဲ့ဒီ ၂ ချက်ကတော့ မြန်မာစစ်တပ်ရဲ့ အကြမ်းဖက်ဖိနှိပ်မှုတွေ ပိုမိုဆိုးရွာလာတာနဲ့ နိုင်ငံတကာအကူအညီတွေ ရုတ်တရက်ဖြတ်တောက်ခံရတာတွေဖြစ်ကြပါတယ်။
မြန်မာနိုင်ငံမှာ စစ်ကောင်စီက အကြမ်းဖက်မှုတွ ပိုမိုပြုလုပ်လာပြီး မြန်မာနိုင်ငံရဲ့ လူ့အခွင့်အရေးအခြေအနေဟာ အဆိုးဆုံးအခြေအနေရောက်နေပြီလို့ အဲ့ဒီအစီရင်ခံစာမှာဖော်ပြထားပါတယ်။
ဒါ့အပြင် အစီရင်ခံစာထဲမှာ စစ်ကောင်စီရဲ့ အကြမ်းဖက်ဖိနှိပ်မှု၊ ရွာတွေကို လေကြောင်းတိုက်ခိုက်မှု၊ ဒေသခံတွေကို အစုလိုက်အပြုံလိုက် သတ်ဖြတ်မှု၊ အမျိုးသမီးနဲ့ မိန်းကလေးငယ်တွေအပေါ် လိင်ပိုင်းဆိုင်ရာ အကြမ်းဖက်မှုတွေ ပိုမြင့်တက်လာတယ်လို့ ဖော်ပြပါတယ်။
နိုင်ငံတကာရဲ့ အကူအညီတွေ ရုတ်တရက်ဖြတ်တောက်ခံရတာလည်း မြန်မာပြည်သူတွေအတွက်အဆိုးဆုံး အခြေအနေကို ကြုံရစေနိုင်တယ်လို့ ဖော်ပြထားပါတယ်။
ပုံစာ – စစ်ကိုင်းတိုင်းအတွင်း စစ်ကောင်စီတပ်ရဲ့ မီးရှိုမှုကြောင့် ပျာကျနေသော အပျက်အစီများအကြား ပြည်သူ ၂ဦးက တွေ့ရစဉ်
ဓါတ်ပုံ – ဒီပဲယင်းဒုက္ခသည်များကူညီရေးအသင်း
