၂၂ နိုဝင်ဘာ၊ ၂၀၂၄
နိုဝင်ဘာလ ၂၂ ရက်မနက်ပိုင်းမှာ မွန်ပြည်နယ်၊ ရေးမြို့နဲ့ မလွှဲတောင်ကြားက ကိုးမိုင်တံတားမှာ မိုင်းပေါက်ကွဲပြီး တံတားပျက်စီးသွားတဲ့အတွက် ကားများ ဖြတ်သန်းသွားလာလို့မရဘဲ လမ်းပိတ်နေတယ်လို့ ဒေသခံတွေက ဆိုပါတယ်။
“မနက် ၇ နာရီလောက်ထဲက မိုင်းကွဲပြီး တံတားက ဖြတ်မရလို့ တချို့တွေ ပြန်လှည့်သွားတယ်” လို့ ဒေသခံတစ်ဦးက ဆိုပါတယ်။
ထားဝယ်ဘက်က တက်လာတဲ့ကားတွေကိုတော့ မလွှဲတောင်ဂိတ်က ပေးမဖြတ်တဲ့အတွက် မလွှဲတောင်ဂိတ်မှာ ပိတ်မိနေတယ်လို့ ကားသမားတွေက ပြောဆိုပါတယ်။ အဆင်းဘက်ခြမ်းကို ပေးဖြတ်ပြီး အတက်ဘက်ကို ပေးမဖြတ်ဘူးလို့သိရပါတယ်။
ကိုးမိုင်တံတားကို မိုင်းဖောက်ခွဲဖျက်စီးခံရမှုနဲ့ပတ်သတ်ပြီး ဘယ်ဘက်ကမှ သတင်းတစ်စုံတစ်ရာ ထုတ်ပြန်ခြင်းမရှိသေးပါဘူး။
Photo – CJ
