မြန်မာပြည်တစ်ခွင်လုံး လင်းတစ်လှည့် မှောင်တစ်လှည့် ကြာခဲ့ပြီပေါ့။ မီးမှောင်မှောင် ညတွေဆိုတာက အတော်လေး ယဥ်ပါးနေပြီလို့တောင် ဆိုလို့ရတော့မယ်ထင်ပါတယ်။ ကိုယ်အားပေးတဲ့ ဘောလုံးအသင်း က တစ်ဖက်ကို ဂိုးသွင်းလိုက်တဲ့ အခါလိုမျိုး ပတ်ဝန်းကျင်ကသူတွေ “ဟေး” ကနဲ ပျော်လွန်းလို့ ထအော်လိုက်တဲ့ အသံကို ကြားရပြီ ဆိုတာနဲ့ ဒါဟာ “မီးပြန်လာပြီဟေ့” ဆိုတဲ့ အဓိပ္ပါယ်ဆိုတာကတော့ လူတိုင်းလူတိုင်း ကလေးလူကြီးမကျန် မသိသူ မရှိလောက်ဘူးထင်ပါရဲ့။