1Scope of this Policy

ဤမူဝါဒသည် New Day Myanmar က တိုက်ရိုက်စီမံခန့်ခွဲသော ဝဘ်ဆိုဒ်၊ အွန်လိုင်းဆက်သွယ်ရေးပုံစံများ၊ သတင်းလွှာဝန်ဆောင်မှုများနှင့် ဆက်စပ်ဒစ်ဂျစ်တယ်ဝန်ဆောင်မှုများအတွက် အကျုံးဝင်ပါသည်။

New Day Myanmar ဝဘ်ဆိုဒ်မှ ချိတ်ဆက်ထားသော ပြင်ပဝဘ်ဆိုဒ်၊ လူမှုမီဒီယာ platform သို့မဟုတ် တတိယပါတီဝန်ဆောင်မှုများ၏ ကိုယ်ရေးအချက်အလက်အသုံးပြုမှုကို ဤမူဝါဒက မလွှမ်းခြုံပါ။

2Information We Collect

New Day Myanmar သို့ ဆက်သွယ်မေးမြန်းခြင်း၊ သတင်းပေးပို့ခြင်း၊ အမှားပြင်ဆင်ရန် တောင်းဆိုခြင်း၊ တိုင်ကြားချက်ပေးပို့ခြင်း၊ မှတ်ချက်ရေးသားခြင်း သို့မဟုတ် အခြားဝန်ဆောင်မှုတခုခုကို အသုံးပြုခြင်းတို့ ပြုလုပ်ပါက အောက်ပါအချက်အလက်များကို စုဆောင်းနိုင်ပါသည်။

• အမည် သို့မဟုတ် အသုံးပြုသူအမည်
• အီးမေးလ်လိပ်စာ၊ ဖုန်းနံပါတ် သို့မဟုတ် အခြားဆက်သွယ်ရန်အချက်အလက်
• ပေးပို့လာသော စာသား၊ မှတ်ချက်၊ တိုင်ကြားချက်၊ အကြံပြုချက် သို့မဟုတ် မေးမြန်းချက်
• သတင်းအချက်အလက်၊ ဓာတ်ပုံ၊ ဗီဒီယို၊ အသံဖိုင်နှင့် အထောက်အထားစာရွက်စာတမ်းများ
• အသုံးပြုသူက ဆန္ဒအလျောက် ပေးပို့သော အခြားအချက်အလက်များ

လိုအပ်သောအချက်အလက်ကို မပေးလိုပါက အချို့သော မေးမြန်းမှုများကို ဖြေကြားနိုင်မည်မဟုတ်ခြင်း သို့မဟုတ် ဝန်ဆောင်မှုအချို့ကို အသုံးပြုနိုင်မည်မဟုတ်ခြင်း ရှိနိုင်ပါသည်။

3Automatically Collected Information

ဝဘ်ဆိုဒ်သို့ ဝင်ရောက်ချိန်တွင် ဝဘ်ဆာဗာ၊ လုံခြုံရေးစနစ်၊ analytics service သို့မဟုတ် cookies များမှတဆင့် အောက်ပါ နည်းပညာဆိုင်ရာအချက်အလက်အချို့ကို အလိုအလျောက်စုဆောင်းနိုင်ပါသည်။

• IP address
• အသုံးပြုသည့် browser၊ စက်အမျိုးအစားနှင့် operating system
• ဝဘ်ဆိုဒ်သို့ ဝင်ရောက်သည့် နေ့ရက်နှင့်အချိန်
• ကြည့်ရှုသည့်စာမျက်နှာများနှင့် အသုံးပြုသည့်အချိန်
• ဝဘ်ဆိုဒ်သို့ ရောက်ရှိလာသည့် link သို့မဟုတ် ရင်းမြစ်
• အနီးစပ်ဆုံးနိုင်ငံ သို့မဟုတ် ဒေသအချက်အလက်
• ဝဘ်ဆိုဒ်အမှား၊ spam နှင့် လုံခြုံရေးမှတ်တမ်းများ

ဤအချက်အလက်များကို ဝဘ်ဆိုဒ်လည်ပတ်မှု၊ လုံခြုံရေး၊ စာဖတ်သူအသုံးပြုမှုပုံစံနှင့် ဝန်ဆောင်မှုတိုးတက်ကောင်းမွန်ရေးအတွက် အဓိကအသုံးပြုပါသည်။

4How We Use Information

စုဆောင်းထားသော အချက်အလက်များကို အောက်ပါရည်ရွယ်ချက်များအတွက် အသုံးပြုနိုင်ပါသည်။

• သတင်း၊ ဆောင်းပါး၊ ဗီဒီယိုနှင့် အခြားမီဒီယာအကြောင်းအရာများ ထုတ်ဝေရန်
• သတင်းအချက်အလက်နှင့် အထောက်အထားများကို စစ်ဆေးအတည်ပြုရန်
• စာဖတ်သူများ၏ မေးမြန်းမှု၊ တိုင်ကြားမှုနှင့် အကြံပြုချက်များကို ဖြေကြားရန်
• သတင်းအမှားပြင်ဆင်ရန် တောင်းဆိုမှုများကို စစ်ဆေးရန်
• ဝဘ်ဆိုဒ်နှင့် အွန်လိုင်းဝန်ဆောင်မှုများကို လည်ပတ်ထိန်းသိမ်းရန်
• နည်းပညာပိုင်းဆိုင်ရာအမှားများကို ရှာဖွေပြင်ဆင်ရန်
• spam၊ လိမ်လည်မှု၊ ဆိုက်ဘာတိုက်ခိုက်မှုနှင့် မသမာသောအသုံးပြုမှုများကို တားဆီးရန်
• New Day Myanmar၊ ဝန်ထမ်းများ၊ သတင်းရင်းမြစ်များနှင့် အသုံးပြုသူများ၏ လုံခြုံရေးနှင့် တရားဝင်အခွင့်အရေးများကို ကာကွယ်ရန်
• သက်ဆိုင်ရာဥပဒေ၊ စည်းမျဉ်း သို့မဟုတ် တရားဝင်တာဝန်များကို လိုက်နာရန်

5Legal and Editorial Basis

အခြေအနေနှင့် သက်ဆိုင်ရာဥပဒေအပေါ်မူတည်ပြီး အသုံးပြုသူ၏ သဘောတူညီချက်၊ တောင်းဆိုထားသောဝန်ဆောင်မှုကို ပေးအပ်ရန်လိုအပ်မှု၊ ဝဘ်ဆိုဒ်နှင့် သတင်းမီဒီယာလုပ်ငန်း၏ တရားဝင်အကျိုးစီးပွား၊ အများပြည်သူသိသင့်သိထိုက်သော သတင်းအချက်အလက်များကို ဖော်ပြရန်လိုအပ်မှု၊ တရားဝင်တာဝန်ကို လိုက်နာရန်လိုအပ်မှု သို့မဟုတ် လူတဦး၏ အသက်နှင့် လုံခြုံရေးကို ကာကွယ်ရန်လိုအပ်မှုတို့အပေါ် အခြေခံပြီး အချက်အလက်များကို အသုံးပြုနိုင်ပါသည်။

သတင်းနှင့် အယ်ဒီတာရေးရာအတွက် အသုံးပြုသော အချက်အလက်များကို အများပြည်သူအကျိုး၊ သတင်းလွတ်လပ်ခွင့်၊ တိကျမှန်ကန်မှု၊ လူ့အခွင့်အရေးနှင့် New Day Myanmar ၏ Editorial Policy တို့အပေါ် အခြေခံပြီး စီမံပါသည်။

6Cookies and Similar Technologies

Cookies သည် ဝဘ်ဆိုဒ်အသုံးပြုချိန်တွင် အသုံးပြုသူ၏ စက်ပေါ်၌ သိမ်းဆည်းနိုင်သော အချက်အလက်ဖိုင်အသေးစားများဖြစ်ပါသည်။ New Day Myanmar သည် အောက်ပါရည်ရွယ်ချက်များအတွက် cookies သို့မဟုတ် ဆင်တူသောနည်းပညာများကို အသုံးပြုနိုင်ပါသည်။

• ဝဘ်ဆိုဒ်၏ အခြေခံလုပ်ဆောင်ချက်များကို ပံ့ပိုးရန်
• လုံခြုံရေးနှင့် spam ကာကွယ်ရေးစနစ်များ လည်ပတ်ရန်
• အသုံးပြုသူ၏ ရွေးချယ်မှုများကို မှတ်သားရန်
• ဝဘ်ဆိုဒ်အသုံးပြုမှုကို စာရင်းကောက်ယူလေ့လာရန်
• ထည့်သွင်းထားသော ဗီဒီယိုနှင့် လူမှုမီဒီယာအကြောင်းအရာများကို ပြသရန်
• ကြော်ငြာဝန်ဆောင်မှုအသုံးပြုထားပါက ကြော်ငြာစွမ်းဆောင်ရည်ကို တိုင်းတာရန်

Browser setting မှတဆင့် cookies များကို ပိတ်ထားနိုင်ပါသည်။ သို့သော် လိုအပ်သော cookies များကို ပိတ်ထားပါက ဝဘ်ဆိုဒ်၏ လုပ်ဆောင်ချက်အချို့ ပုံမှန်အလုပ်မလုပ်နိုင်ပါ။

7Comments and Public Submissions

ဝဘ်ဆိုဒ်တွင် မှတ်ချက်ရေးသားနိုင်သောစနစ် ဖွင့်ထားပါက မှတ်ချက်ပုံစံတွင် ဖော်ပြထားသောအချက်အလက်များအပြင် spam နှင့် မသမာသောလုပ်ဆောင်မှုများကို ရှာဖွေတားဆီးရန် IP address နှင့် browser အချက်အလက်များကို စုဆောင်းနိုင်ပါသည်။

လူမျိုးရေး၊ ဘာသာရေး သို့မဟုတ် လူပုဂ္ဂိုလ်တဦးတယောက်အပေါ် မုန်းတီးမှုလှုံ့ဆော်သော မှတ်ချက်များ၊ ခြိမ်းခြောက်မှုများ၊ ဥပဒေမဲ့အကြောင်းအရာများ၊ ကိုယ်ရေးအချက်အလက်များကို ခွင့်ပြုချက်မရှိဘဲ ဖော်ပြထားသော မှတ်ချက်များနှင့် spam များကို ဖယ်ရှားနိုင်ပါသည်။

အများမြင်နိုင်သော မှတ်ချက် သို့မဟုတ် ပေးပို့မှုအတွင်း ကိုယ်ရေးအချက်အလက်ထည့်သွင်းပါက ထိုအချက်အလက်ကို အခြားသူများက မြင်တွေ့နိုင်ကြောင်း သတိပြုသင့်ပါသည်။

8Analytics, Advertising and Embedded Content

New Day Myanmar သည် ဝဘ်ဆိုဒ်လည်ပတ်မှု၊ လုံခြုံရေး၊ hosting၊ analytics၊ ကြော်ငြာ၊ အီးမေးလ်ပေးပို့မှုနှင့် content delivery အတွက် တတိယပါတီဝန်ဆောင်မှုပေးသူများကို အသုံးပြုနိုင်ပါသည်။ ထိုဝန်ဆောင်မှုပေးသူများသည် ၎င်းတို့၏ဝန်ဆောင်မှုကို ပေးအပ်ရန်လိုအပ်သော နည်းပညာဆိုင်ရာအချက်အလက်များကို ကိုယ်ပိုင် Privacy Policy နှင့်အညီ စုဆောင်းနိုင်ပါသည်။

ဝဘ်ဆိုဒ်ပေါ်တွင် YouTube၊ Facebook၊ X၊ Telegram နှင့် အခြား platform များမှ ဗီဒီယို၊ အသံဖိုင်၊ လူမှုမီဒီယာ post သို့မဟုတ် အခြားအကြောင်းအရာများကို ထည့်သွင်းဖော်ပြနိုင်ပါသည်။ ထိုအကြောင်းအရာများကို ကြည့်ရှုခြင်းသည် သက်ဆိုင်ရာတတိယပါတီဝဘ်ဆိုဒ်သို့ တိုက်ရိုက်ဝင်ရောက်ကြည့်ရှုသကဲ့သို့ အလုပ်လုပ်နိုင်ပြီး ၎င်းတို့က cookies၊ IP address နှင့် အသုံးပြုမှုဆိုင်ရာအချက်အလက်များကို စုဆောင်းနိုင်ပါသည်။

New Day Myanmar သည် တတိယပါတီဝန်ဆောင်မှုများ၏ ကိုယ်ရေးအချက်အလက်အသုံးပြုမှုကို အပြည့်အဝထိန်းချုပ်နိုင်ခြင်း မရှိပါ။

9How We Share Information

New Day Myanmar သည် ဝဘ်ဆိုဒ်အသုံးပြုသူများ၏ ကိုယ်ရေးအချက်အလက်များကို ရောင်းချခြင်း သို့မဟုတ် ငှားရမ်းခြင်း မပြုပါ။ အောက်ပါအခြေအနေများတွင် လိုအပ်သောအချက်အလက်အနည်းဆုံးကိုသာ မျှဝေနိုင်ပါသည်။

• Hosting၊ security၊ analytics၊ email နှင့် နည်းပညာဝန်ဆောင်မှုပေးသူများ
• New Day Myanmar ကိုယ်စား တာဝန်ထမ်းဆောင်သော ဝန်ထမ်း သို့မဟုတ် လုပ်ဖော်ကိုင်ဖက်များ
• အသုံးပြုသူ၏ ရှင်းလင်းသောသဘောတူညီချက်ရရှိထားသော အဖွဲ့အစည်းများ
• ဆိုက်ဘာတိုက်ခိုက်မှု၊ လိမ်လည်မှု သို့မဟုတ် အန္တရာယ်ရှိသောလုပ်ဆောင်မှုများကို တားဆီးရန် လိုအပ်သော ဝန်ဆောင်မှုပေးသူများ
• တရားဝင်ပြီး ခိုင်လုံသော ဥပဒေဆိုင်ရာတာဝန်ရှိသည့်အခါ သက်ဆိုင်ရာအာဏာပိုင် သို့မဟုတ် တရားရုံး
• လူတဦး၏ အသက်နှင့် လုံခြုံရေးကို ကာကွယ်ရန် အရေးပေါ်လိုအပ်သည့်အခြေအနေ

အချက်အလက်မျှဝေရန် တောင်းဆိုချက်ရရှိပါက တောင်းဆိုမှု၏ တရားဝင်မှု၊ လိုအပ်မှု၊ အချိုးညီမှုနှင့် သတင်းလွတ်လပ်ခွင့်အပေါ် သက်ရောက်နိုင်မှုတို့ကို တတ်နိုင်သမျှ စစ်ဆေးပါမည်။

10Sources and Sensitive Information

New Day Myanmar သည် သတင်းရင်းမြစ်များ၏ လုံခြုံရေးနှင့် လျှို့ဝှက်ထားပိုင်ခွင့်ကို အထူးအလေးထားပါသည်။ သတင်းပေးပို့သူ၊ မျက်မြင်သက်သေ၊ လူ့အခွင့်အရေးချိုးဖောက်ခံရသူ၊ စစ်ဘေးသင့်ပြည်သူ၊ ဖမ်းဆီးခံရသူ၊ နိုင်ငံရေးတက်ကြွလှုပ်ရှားသူနှင့် အန္တရာယ်ကျရောက်နိုင်သူတို့၏ အမည်၊ တည်နေရာ၊ ဆက်သွယ်ရန်အချက်အလက်နှင့် ခွဲခြားသိရှိနိုင်သောအချက်အလက်များကို လိုအပ်သလို ကန့်သတ်ကာကွယ်ပါမည်။

သတင်းပေးပို့သူက အမည်မဖော်လိုကြောင်း တောင်းဆိုထားပါက အယ်ဒီတာရေးရာနှင့် လုံခြုံရေးအရ မဖြစ်မနေလိုအပ်သောသူများကသာ အချက်အလက်ကို သိရှိနိုင်အောင် ကန့်သတ်ပါမည်။

သတင်းရင်းမြစ်အဖြစ် ပေးပို့သောအချက်အလက်များကို အများပြည်သူအကျိုး၊ တိကျမှန်ကန်မှု၊ သက်ဆိုင်သူများ၏ လုံခြုံရေးနှင့် New Day Myanmar ၏ Editorial Policy အပေါ်အခြေခံပြီး အသုံးပြုပါမည်။ သာမန် email၊ လူမှုမီဒီယာ message သို့မဟုတ် မလုံခြုံသော network များမှ လျှို့ဝှက်အချက်အလက်ပေးပို့ရာတွင် ဖြစ်ပေါ်နိုင်သော လုံခြုံရေးအန္တရာယ်ကို ထည့်သွင်းစဉ်းစားသင့်ပါသည်။

11Data Retention

ကိုယ်ရေးအချက်အလက်များကို စုဆောင်းရသည့်ရည်ရွယ်ချက် ပြည့်မြောက်ရန်၊ သတင်းမှတ်တမ်းနှင့် အယ်ဒီတာရေးရာတာဝန်များကို ဆောင်ရွက်ရန်၊ လုံခြုံရေးပြဿနာများကို ဖြေရှင်းရန် သို့မဟုတ် တရားဝင်တာဝန်များကို လိုက်နာရန် လိုအပ်သည့်ကာလအထိသာ သိမ်းဆည်းပါမည်။

သိမ်းဆည်းကာလကို ဆုံးဖြတ်ရာတွင် အချက်အလက်၏ သဘောသဘာဝနှင့် အထိခိုက်လွယ်မှု၊ စုဆောင်းထားရသည့်ရည်ရွယ်ချက်၊ သတင်းမှတ်တမ်းအဖြစ် ဆက်လက်လိုအပ်မှု၊ သတင်းရင်းမြစ် သို့မဟုတ် သက်ဆိုင်သူအပေါ် ဖြစ်နိုင်သောအန္တရာယ်၊ လုံခြုံရေးနှင့် ဥပဒေဆိုင်ရာလိုအပ်ချက်တို့ကို ထည့်သွင်းစဉ်းစားပါမည်။

အချက်အလက်ကို ဆက်လက်သိမ်းဆည်းရန် မလိုအပ်တော့ပါက ဖျက်သိမ်းခြင်း၊ အမည်မသိနိုင်အောင် ပြောင်းလဲခြင်း သို့မဟုတ် အသုံးပြုခွင့်ကန့်သတ်ခြင်း ပြုလုပ်နိုင်ပါသည်။ ထုတ်ဝေပြီးသောသတင်းများနှင့် အများပြည်သူအကျိုးအတွက် ထိန်းသိမ်းထားသော သတင်းမှတ်တမ်းများကို ရေရှည်သိမ်းဆည်းနိုင်ပါသည်။

12International Data Transfers

New Day Myanmar အသုံးပြုသော hosting၊ cloud storage၊ analytics၊ security၊ social media သို့မဟုတ် email ဝန်ဆောင်မှုပေးသူများ၏ ဆာဗာများသည် အသုံးပြုသူနေထိုင်သောနိုင်ငံပြင်ပတွင် တည်ရှိနိုင်ပါသည်။ ထို့ကြောင့် အချက်အလက်များကို အခြားနိုင်ငံများသို့ လွှဲပြောင်းခြင်း သို့မဟုတ် ထိုနိုင်ငံများတွင် သိမ်းဆည်းခြင်း ဖြစ်နိုင်ပါသည်။

သက်ဆိုင်ရာအခြေအနေတွင် အချက်အလက်လုံခြုံမှုကို ကာကွယ်ရန် သင့်လျော်သော နည်းပညာနှင့် စီမံခန့်ခွဲမှုဆိုင်ရာ အကာအကွယ်များကို အသုံးပြုရန် ကြိုးပမ်းပါမည်။

13Data Security

ကိုယ်ရေးအချက်အလက်များ ခွင့်ပြုချက်မရှိဘဲ ဝင်ရောက်အသုံးပြုခံရခြင်း၊ ပျောက်ဆုံးခြင်း၊ ပေါက်ကြားခြင်း၊ ပြောင်းလဲခြင်း သို့မဟုတ် ဖျက်ဆီးခံရခြင်းတို့မှ ကာကွယ်ရန် သင့်လျော်သော နည်းပညာနှင့် အဖွဲ့အစည်းဆိုင်ရာ လုံခြုံရေးနည်းလမ်းများကို အသုံးပြုရန် ကြိုးပမ်းပါသည်။

• HTTPS လုံခြုံရေး
• Access control နှင့် ခိုင်မာသော password အသုံးပြုမှု
• လိုအပ်သူများကိုသာ အချက်အလက်အသုံးပြုခွင့်ပေးခြင်း
• ဝဘ်ဆိုဒ်၊ theme နှင့် plugin များကို အချိန်မီ update ပြုလုပ်ခြင်း
• Spam၊ malware နှင့် ဆိုက်ဘာတိုက်ခိုက်မှုကာကွယ်ရေး
• Backup နှင့် လုံခြုံရေးမှတ်တမ်းများထားရှိခြင်း

သို့သော် အင်တာနက်ပေါ်မှ အချက်အလက်ပေးပို့ခြင်း သို့မဟုတ် အီလက်ထရောနစ်စနစ်ဖြင့် သိမ်းဆည်းခြင်းသည် လုံခြုံမှု ၁၀၀ ရာခိုင်နှုန်း အာမခံနိုင်သောနည်းလမ်း မဟုတ်ပါ။

14Your Privacy Rights

သက်ဆိုင်ရာဥပဒေအရ အသုံးပြုသူများသည် မိမိနှင့်ပတ်သက်သောအချက်အလက်များကို သိရှိခွင့်တောင်းဆိုခြင်း၊ ကိုယ်ရေးအချက်အလက်မိတ္တူတောင်းဆိုခြင်း၊ မှားယွင်းသောအချက်အလက်ကို ပြင်ဆင်ရန်တောင်းဆိုခြင်း၊ ဖျက်သိမ်းရန်တောင်းဆိုခြင်း၊ အသုံးပြုမှုကန့်သတ်ရန်တောင်းဆိုခြင်း၊ အချို့အသုံးပြုမှုကို ကန့်ကွက်ခြင်းနှင့် သဘောတူညီချက်ကို ပြန်လည်ရုပ်သိမ်းခြင်းတို့ ပြုလုပ်နိုင်ပါသည်။

တောင်းဆိုချက်ကို အတည်ပြုရန် လိုအပ်ပါက တောင်းဆိုသူ၏ ကိုယ်ရေးအထောက်အထားနှင့် သက်ဆိုင်သော အချက်အလက်အနည်းဆုံးကို တောင်းခံနိုင်ပါသည်။

အချက်အလက်ဖျက်သိမ်းရန် သို့မဟုတ် ပြင်ဆင်ရန် တောင်းဆိုမှုတိုင်းကို အလိုအလျောက်ခွင့်ပြုမည်မဟုတ်ပါ။ သတင်းလွတ်လပ်ခွင့်၊ အများပြည်သူအကျိုး၊ သမိုင်းမှတ်တမ်း၊ လုံခြုံရေး၊ တရားဝင်တာဝန် သို့မဟုတ် သတင်းမီဒီယာဆိုင်ရာ ခြွင်းချက်များရှိပါက အချက်အလက်အချို့ကို ဆက်လက်ထိန်းသိမ်းနိုင်ပါသည်။

15Children, External Links and Policy Updates

ကလေးသူငယ်များ၏ အချက်အလက်

New Day Myanmar ဝဘ်ဆိုဒ်သည် ကလေးသူငယ်များထံမှ ကိုယ်ရေးအချက်အလက်များကို ရည်ရွယ်ချက်ရှိရှိ စုဆောင်းရန် ဖန်တီးထားခြင်းမဟုတ်ပါ။ ကလေးသူငယ်တဦး၏ အချက်အလက်ကို မိဘ သို့မဟုတ် အုပ်ထိန်းသူ၏ သဘောတူညီချက်မရှိဘဲ စုဆောင်းထားကြောင်း သိရှိရပါက သတင်းမီဒီယာနှင့် အများပြည်သူအကျိုးအတွက် ဆက်လက်ထိန်းသိမ်းရန် အကြောင်းပြချက်မရှိသရွေ့ ဖယ်ရှားရန် သင့်လျော်သောလုပ်ဆောင်မှုများ ပြုလုပ်ပါမည်။

ပြင်ပဝဘ်ဆိုဒ်လင့်ခ်များ

New Day Myanmar သတင်းများနှင့် စာမျက်နှာများတွင် ပြင်ပဝဘ်ဆိုဒ်များသို့ ချိတ်ဆက်ထားသော link များ ပါဝင်နိုင်ပါသည်။ ပြင်ပဝဘ်ဆိုဒ်သို့ ရောက်ရှိပြီးနောက် အဆိုပါဝဘ်ဆိုဒ်က စုဆောင်းအသုံးပြုသော အချက်အလက်များကို New Day Myanmar က မထိန်းချုပ်နိုင်ပါ။ ထိုဝဘ်ဆိုဒ်များ၏ Privacy Policy ကို ဖတ်ရှုသင့်ပါသည်။

မူဝါဒအပြောင်းအလဲများ

ဝဘ်ဆိုဒ်၏ လုပ်ဆောင်ချက်၊ အသုံးပြုသောနည်းပညာ၊ ဝန်ဆောင်မှုပေးသူ သို့မဟုတ် သက်ဆိုင်ရာစည်းမျဉ်းများ ပြောင်းလဲလာပါက ဤမူဝါဒကို အခါအားလျော်စွာ ပြင်ဆင်နိုင်ပါသည်။ အရေးကြီးသောပြောင်းလဲမှုရှိပါက ဤစာမျက်နှာပေါ်တွင် နောက်ဆုံးပြင်ဆင်သည့်နေ့စွဲနှင့်အတူ ထုတ်ပြန်ပါမည်။