၂၀၂၁ ခုနှစ် စစ်အာဏာသိမ်းချိန်ကစလို့ မြန်မာနိုင်ငံက အကြမ်းမဖက် အာဏာရှင်ဖီဆန်ရေးလုပ်ခဲ့ကြတဲ့ CDM ဝန်ထမ်းတွေဟာ စစ်ကောင်စီရဲ့ လိုက်လံ ဖမ်းဆီးမှုတွေကြောင့် တိုင်းရင်းသားလက်နက်ကိုင် ဒေသတွေ မှာ သွားရောက်ခိုလှုံခဲ့ကြရပါတယ်။
ဒါပေမယ့်လည်း အဲ့ဒီဒေသတွေ မှာ စစ်ကောင်စီက ထိုးစစ်တွေ ဆင်လာပြန်တော့ အချို့ကလည်း နီးစပ်ရာ ဒုက္ခသည် စခန်းတွေ၊ အချို့ကလည်း သောင်ရင်းမြစ်ကို ဖြတ်ကူးပြီး ထိုင်းနိုင်ငံထဲကို ခိုလှုံလာကြရပါတယ်။ ဒီထဲမှာ CDM တွေ စစ်ဘေးရှောင် ဒုက္ခသည်တွေနဲ့ အတူ သူတို့ရဲ့ ကျောင်းနေအရွယ်ကလေးတွေလည်း ပါလာကြပါတယ်။ အဲ့ဒီကလေးတွေဟာ ပညာသင်ကြားရေးအတွက် အခက်အခဲမျိုးစုံနဲ့ ရင်ဆိုင်နေကြရဆဲဖြစ်ပါတယ်။
