စစ်ကိုင်းတိုင်း ဝက်လက်မြို့နယ် လှတောကျေးရွာကို ဓားပြတိုက်ခဲ့ကြတဲ့ ဒေသခံကာကွယ်ရေး ပူးပေါင်းအဖွဲ့ဝင်တွေကို ဝက်လက်အခြေစိုက် ပြည်သူ့လုံခြုံရေးအဖွဲ့(ပလဖ)က ဖမ်းမိထားပြီး စစ်ဆေး တာတွေ လုပ်ဆောင်နေတယ်လို့ ပလဖအဖွဲ့နဲ့ နီးစပ်တဲ့ နယ်ခံသတင်းရင်း မြစ် တွေဆီကနေ သိရပါတယ်။
ဇူလိုင် ၁၃ ရက် ည ၁၂ နာရီအချိန်မှာ ကျေးရွာပကဖအဖွဲ့ဝင်တွေနဲ့ PDF လူငယ် ၁၁ ဦးက လှတောကျေးရွာက နေအိမ် တစ်အိမ်ကို ဝင်ရောက်ဓားပြတိုက်ခဲ့တဲ့ ဖြစ်စဉ်တစ်ခု ဖြစ်ပါတယ်။
အဲဒီဓားပြတိုက်တဲ့ဖြစ်စဉ်မှာ အတိုက်ခံရတဲ့ မိသားစုဝင် ၆ ဦးထဲက အမျိုးသားတစ်ဦး ဓားနဲ့ထိုးခံရလို့ ဆေးရုံကိုအချိန်မီပို့ဆောင်ပေးမယ့် သေဆုံးခဲ့ရတယ်လို့ သိရပါတယ်။
ဓားပြတိုက်ရာမှာ ပါဝင်တဲ့သူတွေဟာ မိတ္ထီလာ ဒရုန်းတပ်ဖွဲ့က ၂ ဦး၊ အရာတော် PDF ၂ ဦး၊ ဝက်လက်မြိုနယ် သခွတ္တော ကျေးရွာ ပကဖ ၂ ဦးနဲ့ အခြား တော်လှန် ရေး တပ်ဖွဲ့ဝင်အချို့လည်းပါဝင်ပြီး စုစုပေါင်း ၁၁ ဦးပါဝင်ခဲ့တာဖြစ်တယ်လို့ သိရပါတယ်။
ဓါးပြတိုက်ရာမှာပါဝင်တဲ့သူတွေကို မနေ့က ဇူလိုင် ၁၄ ရက် မနက် ၈ နာရီမှာ ဝက်လက်မြို့နယ် ပြည်သူ့လုံခြုံရေးအဖွဲ့က ဖမ်းဆီးရမိခဲ့တာဖြစ်တယ်လို့ သိရပါတယ်။
