၁၇ မတ်၊ ၂၀၂၅
စစ်ကောင်စီရဲ့ လေကြောင်းတိုက်ခိုက်မှုတွေကြောင့် ၂၀၂၃ ခုနှစ်ကနေ ၂၀၂၅ မတ် ၁၆ ရက်အထိ ကလေးငယ် ၃၇၂ ဦး သေဆုံးခဲ့ရတယ်လို့ အမျိုးသားညီညွတ်ရေးအစိုးရ ၊ လူ့အခွင့်အရေး ဆိုင်ရာ ဝန်ကြီးဌာန က ဒီနေ့ မတ်လ ၁၇ ရက်မှာ သတင်းထုတ်ပြန်ပါတယ်။
စစ်ကောင်စီဟာ ၂၀၂၃ ခုနှစ် ကနေ ၂၀၂၅ ခုနှစ် မတ် ၁၆ ရက်အတွင်း အကြမ်းဖက်စစ်အုပ်စုက အရပ်သားပြည်သူ ဆိုင်ရာနေရာတွေကို လေကြောင်း တိုက်ခိုက်မှု ၂၁၉၀ မှု ပြုလုပ်ခဲ့ တယ်လို့ NUG လူ့အခွင့်အရေးဌာနက ကောက်ယူထားတဲ့ အချက်အလက်တွေက ဖော်ပြပါတယ်။
ဒါ့အပြင် စစ်ကောင်စီလေတပ်ဟာ အများပြည်သူတွေ သွားလာနေတဲ့ စျေးနဲ့ သာသနိက အဆောက်အအုံတွေကို ရည်ရွယ်ချက်ရှိရှိ လေကြောင်းတိုက်ခိုက်မှုတွေပြုလုပ်တာကို ရှုတ်ချတယ်လို့လည်း NUG က ဆိုပါတယ်။
ဒီလို အများပြည်သူဆိုင်ရာ နေရာတွေကို တိုက်ခိုက်မှုနဲ့ ကလေးသူငယ်တွေ အပေါ် ထိခိုက်သေကြေစေမှုတွေဟာ နိင်ငံတကာ လူသားချင်းစာနာမှုဥပဒေ (International Humanitarian Law) က တားမြစ်ထားတဲ့ အချက်တွေကို ပြောင်ပြောင်တင်းတင်း ကျူးလွန်ခြင်းဖြစ်တယ်လို့ ထုတ်ပြန်ချက်မှာ ဖော်ပြထားပါတယ်။
မတ်လ ၁၆ ရက် ညနေပိုင်းကလည်း ရှမ်းပြည်နယ်မြောက်ပိုင်း ၊ နောင်ချိုမြို့က စိန်ရတနာ ပရိယတ္တိစာသင်တိုက်ကို စစ်ကောင်စီက တိုက်လေယာဉ်ကို အနိမ့်ဆုံးပျံသန်းကာ ဗုံးကြဲတိုက်ခိုက်တဲ့အပြင် စက်သေနတ်နဲ့ပါ ပစ်ခတ်ခဲ့တဲ့အတွက် ကိုရင်ငယ်များအပါအဝင် သံဃာ ၉ ပါး နဲ့ပြည်သူ ၅ ဦး စုစုပေါင်း ၁၄ ဦး သေဆုံးခဲ့ပါတယ်။
ပုံစာ – လားရှိုးမြို့ စိန်ရတနာ ပရိယတ္တိစာသင်တိုက်ကို မတ်လ ၁၆ ရက်က လေကြောင်းက တိုက်ခိုက်ပြီ နောက်မြင်ကွင်း
ဓါတ်ပုံ – TNLA
