မြန်မာစံတော်ချိန် (၁၀)နာရီ၊ (၅၇)မိနစ်၊ (၁၄)စက္ကန့် အချိန်က ကမ္ဘာအေးမြေငလျင်စခန်း တောင်-အနောက်တောင်ဘက် (၉၃) မိုင်ခန့်ကွာဝေး မြန်မာ့ပင်လယ်ပြင် (ဖျာပုံမြို့ရဲ့တောင်-အရှေ့တောင်ဘက် (၅၃) မိုင်ခန့်အကွာ) မြောက် လတ္တီတွဒ် (၁၅.၅၃) ဒီဂရီ၊ အရှေ့လောင်ဂျီတွဒ် (၉၅.၈၅) ဒီဂရီ၊ အနက် (၂၇) ကီလိုမီတာကို ဗဟိုပြု အင်အား ရစ်(ခ်)တာစကေး (၄.၉) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားကြောင်း တိုင်းထွာရရှိခဲ့တယ်လို့ မိုးလေဝသနဲ့ဇလဗေဒညွှန်ကြားမူဦးစီးဌာနက ထုတ်ပြန်ပါတယ်။
ရန်ကုန်မြို့အနီး ဖျာပုံမြို့နဲ့ ၈၆ ကီလိုမီတာကို ဗဟိုပြပြီး ပြင်းအား ၅ အဆင့်ရှိ ငလျင်ဧပြီလ ၂ ရက်နေ့ ည ၁၁ နာရီ ၂၇ မိနစ်အချိန်မှာ လှုပ်ခတ်သွားခဲ့တယ်လို့ အမေရိကန်ဘူမိဗေဒ-ငလျင်စောင့်ကြည့်ရေးအဖွဲ့-USGSကလဲ သတင်းထုတ်ပြန်ပါတယ်။
ဒီငလျင်နဲ့ပတ်သက်ပြီး ဘိုကလေးမြို့ လူတွေက သိသိသာသာ ခံစားမိပေမယ့်ပြင်းထန်ထိခိုက်အဆင့်မရှိဘူးလို့ ပြောပါတယ်။
