ရှမ်းပြည်နယ်မြောက်ပိုင်း TNLA ထိန်းချုပ်နယ်မြေတစ်ခုဖြစ်တဲ့ နောင်ချိုမြိုနယ်အတွင်းက ကျေးရွာတွေကို စစ်ကောင်စီက လေကြောင်နဲ့ လာရောက်ဗုံးကြဲတိုက်ခိုက်ခဲ့တာကြောင့် ဒေသခံ (၄)ဦးသေဆုံးခဲ့ပြီး (၄)ဦး ထိခိုက်ဒဏ်ရာ ရရှိခဲ့တယ်လို့ သိရပါတယ်။
ပြီးခဲ့တဲ့ မတ်လ ၂၆ရက် ည (၆း၃၀)နာရီအချိန်မှာ နောင်ချိုမြို့နယ်အတွင်းက အုမ္မခါး၊ သုံးဆယ် နဲ့ ရွှေ ညောင်ပင်ကျေးရွာတွေအတွင်းကို စစ်ကောင်စီတပ်က ဂျက်ဖိုက်တာ (၂)စီးနဲ့ ဗုံး (၅)ကြိမ် လာရောက် ကြဲချတိုက်ခိုက်ခဲ့တယ်လို့ ဆိုပါတယ်။
ထိုဗုံးကြဲတိုက်ခိုက်မှုကြောင့် သုံးဆယ်ကျေးရွာမှ အမျိုးသား (၂)ဦး နဲ့ အမျိုးသမီး (၂)ဦး ပွဲချင်းပြီးသေဆုံးခဲ့သလို အုမ္မခါးကျေးရွာ ဒေသခံ (၄)ဦးလည်း ထိခိုက်ဒဏ်ရာရရှိခဲ့သည့်အပြင် ၎င်းကျေးရွာရှိ ဒေသခံနေအိမ် အများ အပြား ဗုံးစထိမှန်ပျက်စီးခဲ့တတယ်လို့ TNLAက ထုတ်ပြန်အသိပေးထားပါတယ်။
စစ်ကောင်စီမှာ ပြီးခဲ့တဲ့ မတ်လ ၁၆ရက်ကလည်း နောင်ချိုမြို စိန်ရတနာပရိယတ္တိစာသင်တိုက်အား လေကြောင်းနဲ့ ဗုံးကြဲတိုက်ခိုက်ခဲ့တာကြောင့် သံဃာတော်အပါအဝင် ပြည်သူလူထု (၉)ဦးသေဆုံးခဲ့ပြီး (၁၇)ဦး ထိခိုက်ဒဏ်ရာရရှိခဲ့ပါသေးတယ်။
စစ်ကောင်စီတပ်ဟာ တိုက်ပွဲဖြစ်ပွားခြင်းမရှိဘဲ အရပ်သားတွေကို ရည်ရွယ်ချက်ရှိရှိ ဦးတည် ဗုံးကြဲတိုက်ခိုက် နေတဲ့အတွက် မိဘပြည်သူများအနေနဲ့ စစ်ကောင်စီရဲ့ ဗုံးကြဲတိုက်ခိုက်မှုတွေကို ရှောင်ရှားနိုင်ဖို့ စစ်ရေးသတိ အမြဲရှိရန်လိုအပ်ပြီး လေကြောင်းရန် ကာကွယ်နိုင်ဖို့လေကြောင်းရန်ကာကွယ်ရေးဆိုင်ရာနည်းလမ်းတွေကို လိုက်နာဆောင်ရွက်ဖို့ လိုအပ်တယ်လို့လည်း အသိပေးထားပါတယ်။
ပုံစာ -(နောင်ချိုမြို့နယ်အတွင်းရှိ ကျေးရွာများအား စစ်ကောင်စီမှလေကြောင်းနဲ့တိုက်ခိုက်ထားပုံ)
ဓာတ်ပုံ- PSLF/TNLA
