၇ မတ် ၊ ၂၀၂၅
ပြည်ပမှာ အလုပ်သွားရောက်မယ့်သူတွေနဲ့ ကျောင်းသွားတတ်မယ့်သူတွေအတွက် လိုအပ်တဲ့ (Notary) နိုတြီအထောက်အထား ထုတ်ပေးခြင်းကို စစ်ကောင်စီနိုင်ငံခြားရေးဝန်ကြီးဌာနကရပ်ဆိုင်းလိုက်ပါတယ်။
စစ်ကောင်စီနိုင်ငံခြားရေးဝန်ကြီးဌာနအနေနဲ့ (Notary) နိုတြီအထောက်အထား ထုတ်ပေးတာကိုပဲ ရပ်ဆိုင်းတာဖြစ်ပြီး ရုံးပိုင်းဆိုင်ရာလုပ်ငန်းတွေကိုတော့ ပုံမှန်အတိုင်းလုပ်ဆောင်ပေးနေတယ်လို့ ဆိုပါတယ်။
(Notary) နိုတြီအထောက်အထား ထုတ်ပေးခြင်းကိုမတ် ၆ ရက်ကစပြီး ရုတ်တရက်ရပ်ဆိုင်းလိုက်တဲ့အတွက် နိုင်ငံခြားမှာ ကျောင်းသွားတက်မယ့်သူတွေအခက်အခဲဖြစ်နေတယ်လို့ သိရပါတယ်။
” ဘာမှလည်းကြိုတင်မထုတ်ပြန်ဘူး။ ရုတ်တရက်ကြီး ရပ်ပစ်လိုက်တာ။ မေးတော့လည်း မသိဘူးပဲပြောတယ်။ အကုန်ဒုက္ခရောက်တာပေါ့”လို့ ပညာတော်သင်သွားမယ့်သူတစ်ဦးကပြောပါတယ်။
မြန်မာနိုင်ငံကနေ နိုင်ငံခြားမှာ ကျောင်းသွားတက်မယ့်သူတွေအတွက် မဖြစ်မနေလိုတဲ့ ပညာရေးဆိုင်ရာ အသိအမှတ်ပြုလက်မှတ်တွေကို နိုင်ငံခြားရေးဌာနက မှန်ကန်ကြောင်းအထောက်အထား ထုတ်ပေးတာဖြစ်ပါတယ်။
နိုင်ငံခြားသွားကြမယ့်သူတွေအနေနဲ့ ပညာရေး၊ လက်ထပ်စာချုပ်၊ ယာဉ်မောင်း၊ နိုင်ငံသားမှတ်ပုံတင် စတဲ့အချက်အလက်တွေ မှန်ကန်ကြောင်း နိုင်ငံခြားရေးဌာနမှာ ကျမ်းကျိန် (Notary public) အထောက်အထား လုပ်ကြရတာဖြစ်ပါတယ်။
