၁၁ ဇန်နဝါရီ
စစ်ကော်မရှင်က လုပ်တဲ့ ရွေးကောက်ပွဲမှာ ကိုကိုးကျွန်းမြို့နယ်က ဝင်ပြိုင်တဲ့ စစ်ကော်မရှင်ဝန်ကြီးချုပ်ဦးညိုစောဟာ ပြိုင်ဘက်ပါတီက ကိုယ်စားလှယ်လောင်းတွေကို ကြိုတင်မဲ အပြတ်အသတ်နဲ့ အနိုင်ရတယ်လို့ ကြံ့ဖွံ့ပါတီနဲ့ နီးစပ်သူ တဦးက New Day Myanmar ကိုပြောပါတယ်။
စစ်ကော်မရှင်က လုပ်တဲ့ ရွေးကောက်ပွဲအပိုင်း ၂ မှာ စစ်ကော်မရှင်ဝန်ကြီးချုပ် ညိုစောက ကြံ့ဖွံ့ပါတီကနေဝင်ရောက်ယှဉ်ပြိုင်ခဲ့တာဖြစ်ပါတယ်။ ကိုကိုးကျွန်းမှာ ကြံ့ဖွံ့ပါတီကနေပဲ ဒုရဲချုပ်ဟောင်း အောင်နိုင်သူလည်း ဝင်ရောက်ယှဉ်ပြိုင်ခဲ့ပါတယ်။
“လွှတ်တော် ၃ ရပ်စလုံးအတွက် ကြံံ့ခိုင်ရေးပါတီကပဲ မဲအပြတ်အသတ်နဲ့အနိုင်ရတာပါ။ မဲပေးတာလည်း ပြီးပြီဆိုတော့ ရလဒ်က အတည်ပါပဲ။”လို့ ကြံ့ဖွံ့ပါတီနဲ့ နီးစပ်သူ တဦးက New Day Myanmar ကိုပြောပါတယ်။
ရန်ကုန်တိုင်းထဲမှာ ရှိတဲ့ ကိုကိုးကျွန်းမှာ ဌာနဆိုင်ရာ ဝန်ထမ်းတွေနဲ့ စစ်တပ်နဲ့ မိသာစုဝင်တွေသာ အများစုနေထိုင်ကြတဲ့ နေရာဖြစ်ပါတယ်။
