၂၇ ဇွန် ၂၀၂၅
တအာင်းအမျိုးသားလွတ်မြောက်ရေးတပ်မ တော် (TNLA) က ဖမ်းဆီးထားတဲ့ ကျောက်မဲမြို့ ၈၈ ငြိမ်းပွင့်တာဝန်ခံ အမျိုးသမီးတစ်ဦးနှင့် ရွှေဘို ပကဖ အဖွဲ့ ၆ ဦးကို ဒီကနေ့ ဇွန်၂၇ မှာ ပြန်လည်လွှတ် ပေးလိုက်တယ်လို့ ပြည်သူ့ကာကွယ်ရေးတပ်ဖွဲ့များ မဟာဗျူဟာလေ့လာရေးမှတ်တမ်းဌာနတာဝန်ခံ ဦးထွန်းထွန်းထံက သိရပါတယ်။
ပြန်လွတ်လာတဲ့ သူတွေဟာ ဒေါ်ရီရီဆွေကျောက်မဲ ငြိမ်း/ပွင့် ၊ ဦးငြိမ်းမောင် (ရွှေဘို)ကိုနေမျိုးချစ် (ဒီပဲရင်း)၊ကိုချစ်သိန်း (ရွှေဘို)ဦးကျော်စိုး (ရွှေဘို)နှင့် အခြား ရွှေဘို ပကဖ အဖွဲ့နှစ်ဦး တို့ဘဲ ဖြစ်ပါတယ်။
”အဆင်ပြေအောင်ဆောင်ရွက်ပေးခဲ့တဲ့ သက် ဆိုင်သူ အားလုံးကို ကျေးဇူးတင်ပါတယ်”လို့ ဦးထွန်းထွန်းထံက ဆိုပါတယ်။
သူတို့ကို ဇွန်လ ၁၇ ရက်က နမ္မတူမြို့မှာ ကားတစ်စီးနဲ့အတူ ဖမ်းဆီးခံခဲ့ရတာဖြစ်ပြီး၊ (၁၀) ရက်အကြာမှာ ပြန်လည်လွတ်လွတ်မြောက်လာတာဖြစ်တယ်လို့ သိရပါတယ်။
ဒေါ်ရီရီဆွေဟာ စစ်ကောင်စီက အာဏာသိမ်းယူခဲ့တဲ့အပေါ် ငြိမ်းချမ်းစွာဆန္ဒဖော်ထုတ်ခဲ့ပေမယ့် စစ်တပ်က ကျောက်မဲမြို့မှာရှိတဲ့ သူမရဲ့နေအိမ်ကို ချိတ်ပိတ်သိမ်းတည်းခဲ့တာဖြစ်ပြီး လက်ရှိမှာ ကျောက်မဲခရိုင် ပြည်သူ့ကာကွယ်ရေးအဖွဲ့ (ပကဖ)မှာ တာဝန်ယူဆောင်ရွက်နေသူတစ်ဦးလည်းဖြစ်တယ်လို့ သိရပါတယ်။
