ပြည်သူ့ကာကွယ်ရေးတပ်မတော်(PDF)အပါအဝင် လက်နက်ကိုင်တော်လှန်ရေးအဖွဲတွေကို ဖိတ်ခေါ်တယ်လို့ ပြည်တွင်းဖုန်းသုံးစွဲသူတွေဆီကို Message ဝင်ရောက်တာတွေရှိနေတယ်လို့ ပြည်တွင်းဖုန်းအသုံးပြုသူတွေဆီကနေသိရပါတယ်။
အဲ့ဒီ မက်ဆေ့ပေးဖို့ချက်မှာ နိုင်ငံတော်အကျိုး လက်တွဲဖော်ဆောင်ရန် PDF အမည်ခံများအပါအဝင် လက်နက်ကိုင်အုပ်စုများကို နိုင်ငံတော်အစိုးရနဲ့တပ် မတော်က ဖိတ်ခေါ်မှု လို့ဆိုကာ ဝက်ဘ်ဆိုက်မှာပါဝင်ရောက်ကြည့်ရှု့ဖို့ လင့်ခ်ကိုလည်း တစ်ပါတည်း ညွှန်းထားတယ်လို့ သိရပါတယ်။
အဲဒီလင့်ခ်ထဲ ဝင်ရောက်ကြည့်ရှုရင်တော့ အခုနှစ် ဧပြီ ၇ ရက် ရက်စွဲနဲ့ ဖော်ပြထားတဲ့အမျိုးသားညီညွတ်ရေးအစိုးရ (NUG) နဲ့ ပြည်ထောင်စုလွှတ်တော်ကိုယ်စားပြုကော်မတီ (CRPH)က တရားမဝင် ကြောင်း ၊ ရွေးကောက်ပွဲကျင်းပပေးမယ့်အကြောင်း ဖော်ပြထားတာတွေ တွေ့ရပါတယ်။
စာတိုမက်ဆေ့စ်တွေဟာ ပြည်တွင်းဖုန်းသုံးစွဲသူအကြား မနေ့ ဇူလိုင် ၃၀ ရက် ညကစလို့ မက်ဆေ့စ်စာတိုပေးပို့တာတွေရှိနေပြီး၊ အက်တမ် (Atom) နဲ့ အော်ရီဒူး (Ooredoo) စတဲ့ဖုန်းအော်ပရေတာတွေကနေ ပေးပို့လာတာလို့ သိရပါတယ်။
ပုံစာ- ပြည်တွင်းဖုန်းထဲကို ရောက်ရှိလာတဲ့ စာတို
