၁ မတ်။ ၂၀၂၅
၂၀၂၅ ခုနစ် ဖေဖော်ဝါရီလ ၇ ရက် နေ့ခင်း ၂နာရီဝန်းကျင်က လားရိူးမြို့ မိုင်းယော်တိုက်နယ် နားပင်းကျေးရွာက ရှင်လောင်းပွဲမှာ MNDAA ကိုးကန့်တပ်ဖွဲ့က အသက် ၁၅ နှစ်အရွယ်ရှိ နန်းယိင်းဟွမ်ကို ဖခင်ဖြစ်သူနဲ့သူငယ်ချင်းဖြစ်သူရှေ့မှာ လာရောက်ဖမ်းဆီးခေါ်ဆောင်သွားခဲ့ပြီး မတ်လ ၁ ရက်အထိ ပြန်လွတ်မလာသေးဘူးလို့ မိသားစုနဲ့ နီးစပ်သူတွေ ထံက သိရပါတယ်။
နန်းယိင်းဟွမ်ဟာ မိုင်းယော်တိုက်နယ် လုံမွန်ကျေးရွာဇာတိဖြစ်ပြီး မိုင်းယော်မြို့ရှိဖုန်းအရောင်းဆိုင်တစ်ခုတွင်အလုပ်လုပ်ကိုင်နေသူဖြစ်တယ်လို့သိရပါတယ်။ ၂၀၂၅ ဖေဖော်ဝါရီလ ၇ ရက်မနက်၆နာရီခွဲခန့်က လုံမွန်းကျေးရွာ ဘုန်းကြီးကျောင်းမှာ တပ်စွဲထားတဲ့ MNDAA တပ်ဖွဲ့ကတပ်သားနှစ်ဦးသည် စကားများရန်ဖြစ်ကြပြီး အပြန်အလှန်ပစ်ခတ်မှုဖြစ်ပွါးကာ တဦးသေဆုံးခဲ့ပါတယ်။
အဆိုပါတပ်သားနှစ်ဦး သေဆုံးကာစကားများရန်ဖြစ်ကြတာဟာ နန်းယိင်းဟွမ်ကြောင့်ဖြစ်တယ်ဆိုတဲ့ အကြောင်းပြချက်နဲ့ MNDAA တပ်ဖွဲ့က ဖမ်းဆီးသွားခဲ့တာဖြစ်တယ်လို့ဆိုပါတယ်။ အဆိုပါအမျိုးသမီးငယ်ကို MNDAA နှစ်ဦးက ပိုးပမ်းကြရာကနေ ခုလိုဖြစ်ပွားခဲ့တယ်လို့ သိရပါတယ်။
လက်ရှိမှာ နန်းယိင်းဟွမ်ဖမ်းဆီးခံရတာဟာ ၂၂ ရက်ခန့်ရှိနေပြီဖြစ်ပြီး မိသားစုဆွေမျိုးတွေနဲ့ လည်း တွေ့ဆုံခွင့်မရဘူးလို့ သိရပါတယ်။
အဆိုပါ အမျိုးသမီးငယ်လွတ်မြောက်ဖို့ သက်ဆိုင်ရာရပ်မိရပ်ဖ ၊အရပ်ဘက်အဖွဲ့အစည်းတွေကနည်းမျိုးစုံတောင်းဆိုခဲ့ကြပေမယ့် MNDAA တပ်ဖွဲ့မှ လွတ်ပေးခြင်းမရှိတဲ့ အပြင် နန်းယိင်းဟွမ်မှာအပြစ်ရှိသည်ဟူသော အဓိပ္ပာယ်သက်ရောက်သည့်တုန့်ပြန်ချက်တွေပဲ ရရှိခဲ့တယ်လို့ မိသားစုနဲ့ နီးစပ်သူတွေကပြောပါတယ်။
နန်းယိင်းဟွမ်ဟာ အသက်မပြည့်သေးသော ကလေးသူငယ်မိန်းကလေးတစ်ဦးသာဖြစ်ပြီး MNDAA တပ်ဖွဲ့အနေနဲ့ မတရားဖမ်းဆီးထားတဲ့ နန်းယိင်းဟွမ်ရဲ့ အသက်လုံခြုံရေးကိုအာမခံပေးဖို့ နဲပ ချွင်းချက်မရှိအမြန်ဆုံးပြန်လွတ်ပေးဖို့ အရပ်ဖက်အဖွဲ့အစည်းတွေက တောင်းဆိုထားပါတယ်။
