Homeပြည်တွင်းသတင်းKIA နဲ့ ကြား အငြင်းပွားမှုတွေကို ညှိနှိုင်းဖြေရှင်းဖို့ TNLA စစ်ဦးစီးချုပ်ပြော

KIA နဲ့ ကြား အငြင်းပွားမှုတွေကို ညှိနှိုင်းဖြေရှင်းဖို့ TNLA စစ်ဦးစီးချုပ်ပြော

၁ မတ်၊ ၂၀၂၅

မန်တုံမြို့နယ်အတွင်း တအာင်းအမျိုးသားလွတ်မြောက်ရေးတပ်မတော်-TNLA နဲ့ မဟာမိတ် KIA တို့အကြား ယခုရက်ပိုင်းမှာ မြေပြင်တပ်ဖွဲ့ဝင်တွေအကြား အပြန်အလှန် အငြင်းပွားမှုတွေကို ထိန်းထိန်းသိမ်းသိမ်း ဆောင်ရွက်ကြဖို့ PSLF/TNLA ၏ စစ်ဦးစီးချုပ် ဗိုလ်ချုပ် တားဟိူဝ်ပ္လါင်က ပြောကြားလိုက်ပါတယ်။

တအာင်းအမျိုးသားလွတ်မြောက်ရေးတပ်မတော်- TNLA နဲ့ မဟာမိတ် KIA တို့အကြား

မြေပြင် ပွတ်တိုက်မှုတွေ ပဋိပက္ခတင်းမာမှုတွေ ဆက်လက်မကြီးထွားစေရန်အတွက် PSLF/TNLA ရဲ့ စစ်ဦးစီးချုပ် ဗိုလ်ချုပ် တားဟိူဝ်ပ္လါင်က မန်တုံမြို့ကို ဖေဖော်ဝါရီလ ၂၈ ရက်က သွားရောက်ပြီး လူထုတွေ့ဆုံပွဲ ပြုလုပ်ခဲ့တယ်လို့ TNLA က သတင်းထုတ်ပြန်ပါတယ်။

အဲ့ဒီတွေ့ဆုံပွဲမှာ မဟာမိတ်နှစ်ဖွဲ့အကြား အပြန်အလှန်အသိအမှတ်ပြုဖို့ နဲပ မဟာမိတ်တည်တံ့ခိုင်မြဲစေရန် နှစ်ဖက်တပ်က ပူးပေါင်းဆောင်ရွက်သွားရမယ့် အချိန်ဖြစ်ပြီး မဟာမိတ်ကတိကဝတ်ကို ရှေးရှုပြီး မဟာမိတ်ကြား မလိုလားအပ်တဲ့ ပြဿနာတွေ မဖြစ်ပွားလာစေဖို့ မဟာမိတ်နှစ်ဖက်လုံးက သတိထားဆောင်ရွက်ရမှာဖြစ်ပြီး ဆက်ဆံရေးတင်းမာမှုတွေကို ညှိနှိုင်းဖြေရှင်းရမယ်လို့ သူကပြောခဲ့ပါတယ်။

ပြီးခဲ့တဲ့ ရက်သတ္တပတ်တွေ အတွင်း KIA နဲ့ TNLA မြေပြင်တပ်ဖွဲ့တွေအကြား အငြင်းပွားမှုဖြစ်စဉ်တွေ လူမှုကွန်ရက်ပေးမှာ ကျယ်ကျယ်ပြန့်ပြန့် ထွက်ပေါ်လာခဲ့တာလည်းဖြစ်ပါတယ်။

Photo- PSLF/TNLA news

ဆက်စပ် သတင်းများ

Most read