Homeပြည်တွင်းသတင်းHIV ကုသရေးစင်တာတွေက ဆရာဝန်တွေကို စစ်ကောင်စီ ရာထူးမှအနားပေး

HIV ကုသရေးစင်တာတွေက ဆရာဝန်တွေကို စစ်ကောင်စီ ရာထူးမှအနားပေး

၁၉ မတ်၊ ၂၀၂၅

ဘတ်ဂျက်ငွေအခက်အခဲကြောင့်လိုဆိုကာ HIV ကုသရေးစင်တာတွေမှာ တာဝန်ထမ်းဆောင်နေတဲ့ ဆရာဝန် တွေကို စစ်ကောင်စီ ကျန်းမာရေးဝန်ကြီးဌာနက ရာထူးကနေ အနားပေးလိုက်တယ်လို့ Non – CDM ဆရာဝန် တွေက ပြောပါတယ်။

မြန်မာနိုင်ငံမှာ HIV ဝေဒနာသည်တွေသောက်သုံးနေရတဲ့ အေအာတီ (ART) ဆေးဝါးကို USAID ကထောက်ပံ့ မှုရပ်ဆိုင်းလိုက်တာကြောင့် ပြည်တွင်းမှာ အခက်အခဲဖြစ်နေပါတယ်။

လက်ရှိမှာ အေအာတီ (ART) ဆေးဝါးကိုစစ်ကောင်စီ ကျန်းမာရေးဝန်ကြီးဌာနက ဆက်လက်ထုတ်ပေး နေပေ မယ့် ယခင်ထက် ဆေးဝါးလုံလုံလောက်လောက်မရရှိတော့ဘူးလို့ ပြောပါတယ်။

” ဆေးကတော့ ထုတ်ပေးနေသေးတယ်။ ဘတ်ဂျက်ကိုတော့လျှော့လိုက်တာပေါ့။ အဲဒီဆေးတွေသာ မထုတ်ပေး နိုင်ရင် အကုန်ဒုက္ခရောက်ကုန်မှာ။ အခုတော့ ဘတ်ဂျက်လျှော့တယ့်အနေနဲ့ ကုသရေးစင်တာတွေမှာ လုပ်နေတဲ့ ဆရာဝန်တွေကို အနားပေးလိုက်တယ်။ ဆေးကလည်းထုတ်တော့ ထုတ်ပေးနေတယ်။ ကျပ်တည်းသွားတာပေါ့” လို့ Non – CDM ဆရာဝန်တစ်ဦးက New Day Myanmar ကိုပြောပါတယ်။

အမေရိကန်သမ္မတ ဒေါ်နယ်ထရမ့်ဟာ ဆင်းရဲနွမ်းပါးတဲ့ နိုင်ငံတွေကို HIV, တီဘီနဲ့ ငှက်ဖျားဆေး ထောက်ပံ့ ပေးဝေမှုကို ရပ်ဆိုင်းထားဖို့ အမိန့်ပေးထားတာဖြစ်ပါတယ်။

မြန်မာမှာ HIV ပိုး ကူးစက်ခံထားရသူ ၂ သိန်း ၇ သောင်းကျော်ရှိပြီး ဒီထဲက နှစ်သိန်းနီးပါး ဟာ HIV ပိုးကူး စက်ခံထားရသူတွေ သောက်သုံးရတဲ့ အေအာတီ (ART) ဆေးဝါးကို ကျန်းမာရေးဝန်ကြီးဌာနအောက်က အေအာတီဆေးကုသဌာနတွေကနေ ရယူနေကြရတာဖြစ်ပါတယ်။

Photo – Social Media

ဆက်စပ် သတင်းများ

Most read