ယနေ့ စက်တင်ဘာ ၂၇ ရက်နွေမှာ ကျရောက်တဲ့ အမျိုးသားဒီမိုကရေစီအဖွဲ့ချုပ် NLD တည်ထောင်ခြင်း ၃၇ နှစ် မြောက် ဂုဏ်ပြုသ၀ဏ်လွှာကို လူ့ဘောင်သစ်ဒီမိုကရက်တစ်ပါတီ(DPNS) ဌာန ချုပ် ဗဟိုဦးဆောင်ကော်မတီကပေးပို့ခဲ့ပါတယ်။
အဲဒီသဝဏ်လွှာမှာ အမျိုးသားဒီမိုကရေစီအဖွဲ့ချုပ်(NLD) ပါတီဟာ ခက်ခဲပြင်း ထန်တဲ့ နိုင်ငံရေးအနိမ့်အမြင့်အတက် အကျတွေကိုကြံ့ကြံ့ခံ ဖြတ်သန်းပြီး ရှစ်လေးလုံးလူထုအရေးတော်ပုံကြီးရဲ့ အ ခန်းဆက်တာဝန်တွေကို ဒီကနေ့တိုင် ဆက်လက် ထမ်းဆောင်နေတာကို မြင်တွေ့ရတဲ့အတွက် မှတ်တမ်းတင် ဂုဏ်ပြုတယ်လို့ ဖော်ပြထားပါတယ်။
ဒါအပြင် မိမိတို့ပါတီနဲ့မိတ်ဆွေနိုင်ငံရေးအင်အားစုတရပ်အဖြစ်စစ် ၃ စစ် ဖျက် သိမ်းရေးတိုက်ပွဲတလျှောက် အတူလက် တွဲ တိုက်ပွဲဝင်ဖြစ်တဲ့အတွက်လည်း လေး စားစွာဝမ်းမြောက် ဂုဏ်ယူတယ်လို့ဆိုပါတယ်။
ဆက်လက်ပြီးလည်း စစ်အာဏာရှင်စနစ် အမြစ်ဖြတ်ချေမှုန်းရေး ၊၂၀၀၈ ခြေ/ဥ အပြီးတိုင်ဖျက်သိမ်းရေး၊ ဖက်ဒရယ် ဒီမိုကရေစီပြည်ထောင်စုတည်ဆောက်ရေးဆိုတဲ့ နွေဦးတော်လှန်ရေးရဲ့ရည်မှန်းချက်တွေပြည့်မြောက်အောင်မြင်တဲ့အထိ မိမိတို့ပါတီနဲ့အမျိုးသားဒီမိုကရေစီအဖွဲ့ချုပ် (NLD)ပါတီအကြား မိတ်ဆွေဆက်ဆံရေးကို ခိုင်မြဲစေကာလူမျိုးစုံ ဗမာပြည်သူတို့နဲ့အတူ လက်တွဲ တိုက်ပွဲဝင်သွားနိုင်ကြမယ်လို့ ယုံကြည်ကြောင်း ဆိုထားပါတယ်။
ဓာတ်ပုံ-DPNS
