ရန်ကုန်တိုင်း၊ အင်းစိန်မြို့နယ်အတွင်းမှာ အမျိုးသမီးတဦးကို Light Truck ကားကဝင်တိုက်ပြီး ဆေးရုံပို့ပေးမယ်လို့ ပြောဆိုခေါ်ဆောင်ကာ လမ်းဘေးမှာ စွန့်ပစ်ခံထားရတဲ့ဖြစ်စဉ်ကြောင့် ရန်ကုန်နေလူ ထုအကြား ဝေဖန်တာတွေ မြင့်တက်နေပါတယ်။
အဲဒီဖြစ်စဉ်ဟာ ဒီကနေ့ အောက်တို ဘာ လ ၂၉ ရက်နေ့ နံနက်အစောပိုင်းက အင်းစိန်မြို့နယ် ဘုရင့်နောင်လမ်းမပေါ်မှာ အသက် ၄၀ အရွယ်အမျိုးသမီးတဦးကိုဝင်တိုက်ပြီး အဲဒီအမျိုးသမီးကို ဆေးရုံကို ပို့ဆောင်ပေးမယ်လို့ဆိုပြီး ကားပေါ် တင်သွားကာ ရွှေပြည်သာမြို့နယ် စက်မှုဇုန် ၄ လမ်းတနေရာမှာ စွန့်ပစ်ခဲ့တာဘဲဖြစ်ပါတယ်။
ဒေသခံပြည်သူတွေရဲ့သတင်းပေးချက်အရ ဒေသခံကနောင်အသင်းက စွန့်ပစ်ခံထားရတဲ့ အမျိုးသမီးကိုဆေးရုံကိုပို့ဆောင်ထားပြီးအမျိုးသမီးမှာဦးခေါင်းပေါက်ပြဲ၊ ခြေသလုံးရိုးကျိုးပြီး ငေါထွက်ခဲ့သလို အခြားထိခိုက်ဒဏ်ရာများလဲ ရရှိခဲ့တယ်လို့ သိရပါတယ်။
စွန့်ပစ်ခံရတဲ့ အမျိုးသမီးရဲ့ ဒဏ်ရာအခြေအနေနဲ့ ဝင်တိုက်ပြီး စွန့်ပစ်ခဲ့တာယာဉ်မောင်းကို ဖမ်းဆီးရမိတာမျိုး ရှိ/မရှိအခြေအနေအတွက် New Day Myanmar က ကနောင်အသင်းကို ဆက်သွယ်နေဆဲဖြစ်ပါတယ်။
ဝင်တိုက်တဲ့ Light Truck ကားရဲ့ ယာဉ်အမှတ်ဟာ 8B -1709 ဖြစ်တယ်လို့ မျှဝေထားတာကိုတွေ့ရပါတယ်။
ဓာတ်ပုံ–ကိုသူရိန်(ကနောင်)
