၂၆ ဩဂုတ်၊ ၂၀၂၄
သပိတ်ကျင်းမြို့နယ်၊ ကွင်း ၅၀၀ မှာ အခြေပြုလှုပ်ရှားနေတဲ့ စစ်ကောင်စီ တပ်စခန်းတစ်ခုကို ဩဂုတ်လ ၂၅ ရက်မှာ အပြီးသတ် သိမ်းပိုက်နိုင်ပြီလို့ ပြည်သူ့ကာကွယ်ရေးတပ်မတော် (မန္တလေး)- MDY PDF က သတင်းထုတ်ပြန်ပါတယ်။
ဒီစစ်ကောင်စီတပ်စခန်းကို ဗိုလ်မှူးချုပ် စိုးကျော်ထိုက်ဦးစီးပြီး စစ်ကောင်စီ တပ်ဖွဲ့ဝင် အင်အား ၄၀၀ ဝန်းကျင်ရှိတယ်လို့ သိရပါတယ်။
MDY PDF က ၂၀၂၄ ခုနှစ် ၊ ဩဂုတ်လ (၅)ရက်က စပြီး ထိုးစစ်ဆင်တိုက်ခိုက်ခဲ့တာဖြစ်ပြီး ရက်ပေါင်း(၂၀)ကြာမှာ သိမ်းပိုက်နိုင်ခဲ့တာ ဖြစ်ပါတယ်။
တပ်စခန်းသိမ်းပိုက်မှုမှာ သုံ့ပန်းတချို့ ဖမ်းဆီးရရှိပြီး လက်နက်ခဲယမ်းအများအပြား သိမ်းဆည်းရရှိခဲ့ကာ MDY PDF ဘက်ကလည်း ကျဆုံးသူ ၊ ဒဏ်ရာရရှိသူတွေရှိခဲ့တယ်လို့ ဆိုပါတယ်။
မိုးကုတ်နဲ့ စဉ့်ကူးလမ်းပိုင်းကြားက စစ်ကောင်စီရဲ့ ဗျူဟာမြောက်တပ်စခန်းတွေနဲ့ စခန်းငယ်အားလုံး MDY PDF က ထိန်းချုပ်နိုင်ပြီး ရန်သူကင်းစင်သွားပြီလို့ သတင်းထုတ်ပြန်ထားပါတယ်။
ပုံ – MDY PDF
