ကရင်နီ ၊ မတ် ၂၁
ကရင်နီပြည်နယ်နဲ့ ရှမ်းပြည်နယ်ရဲ့ ဆက်သွယ်ရေးလမ်းကြောင်းဖြစ်တဲ့ လွိုင်ကော်-ဆီဆိုင်လမ်းကို မတ်လ ၂၀ရက်နေ့မှစပြီး လုံခြုံရေးအရ သွားလာအသုံပြုခြင်း မပြုလုပ်ဖို့ ကရင်နီအမျိုးသာများကာကွယ်ရေး တပ် (KNDF) စစ်ဗျူဟာ အမှတ် ၂က ထုတ်ပြန်အသိပေးထားပါတယ်။
အဆိုပါလမ်းမကြီးကို မတ်လ ၂၀ ရက်နေ့မှစတင်ကာ ရက်အကန့်အသတ်မရှိ ယာဉ်ကြီးယာဉ်ငယ်တွေ သွားလာအသုံးပြုခြင်း မပြုလုပ်ဖို့နဲ့ လိုက်နာခြင်းမရှိရင် ဖြစ်ပေါ်လာမယ့် မည်သည့်အကြောင်းအရာကိုမဆို KNDF ဗျူဟာအမှတ် ၂ အနေနဲ့ တာဝန်ယူမှာမဟုတ်ကြောင်းလည်း အသိပေးထားပါတယ်။
လက်ရှိ လွိုင်ကော်-ဆီဆိုင်လမ်းမကြီးတစ်လျှောက် စစ်ကောင်စီတပ်တွေ စစ်ရေးလှုပ်ရှားမှုတွေ ပြုလုပ်နေ တဲ့အတွက် တထိတွေတိုက်ပွဲတွေဖြစ်ပွားနိုင်ကြောင်း သတိပေးထားသလို လမ်းပြန်လည် အသုံးပြုလို့ရမယ့် ရက်ကိုလည်းထုတ်ပြန်အသိပေးသွားမယ်လို့ ဆိုပါတယ်။
လက်ရှိမိုးဗြဲမြို့မှာ စစ်ကောင်စီ နဲ့ တော်လှန်ရေးတပ်ဖွဲ့များအကြားတိုက်ပွဲတွေ ဖြစ်ပွားနေပြီး လေကြောင်း တိုက်ခိုက်မှုအပြင် လက်နက်ကြီး ဒရုန်းတွေနဲ့ပါ စစ်ကောင်စီဘက်က နေ့စဉ်တိုက်ခိုက် နေတယ်လို့လို့ မြေပြင်စစ်ရေးသတင်းအရင်းမြစ်တွေဆီက သိရပါတယ်။
ဓာတ်ပုံ – KNDF
