၁၈ မတ် ၊၂၀၂၅
စစ်ကောင်စီတပ်က စဉ့်ကူးမြို့နယ် ၊ လက်ပံလှကျေးရွာကို မတ်လ ၁၇ ရက်နေ့ ညနေပိုင်းမှာ လေကြောင်း နဲ့ထက်မံဗုံးကြဲတိုက်ခဲ့တယ်လို့ ပြည်သူ့ကာကွယ်ရေးတပ်မတော် (မန္တလေး) MDY PDF ကထုတ်ပြန်အသိ ပေးထားပါတယ်။
အဆိုပါ လေကြောင်းတိုက်ခိုက်မှုအတွင်း အရပ်သားပြည်သူတွေနေထိုင်ရာ ရပ်ကွက်အတွင်း ကျရောက် ပေါက်ကွဲခဲ့တာကြောင့် အပြစ်မဲ့ပြည်သူ အမျိုးသမီး(၃)ဦး အသက်ဆုံးရှုံးခဲ့ရပြီး ထိခိုက်ဒဏ်ရာရရှိသူ (၅)ဦးရှိခဲ့တယ်လို့ သိရပါတယ်။
စစ်ကောင်စီဟာ ပြီးခဲ့တဲ့ မတ်လ(၁၄)ရက်နေ့ကလည်း စဉ့်ကူးမြို့နယ် လက်ပံလှကျေးရွာရှိ အရပ်သားပြည်သူ တွေကို ပစ်မှတ်ထားကာ လေကြောင်းတိုက်ခိုက်မှုပြုလုပ်ခဲ့တာကြောင့် အပြစ်မဲ့ ပြည်သူ (၃၁)ဦးထိ အသက် ဆုံးရှုံးခဲ့ရပြီး ထိခိုက်ဒဏ်ရာရသူများစွာရှိခဲ့ပါတယ်။
စဉ့်ကူးမြို့နယ်အတွင်း တိုက်ပွဲဖြစ်ပွါးခြင်းမရှိသည်မှာ ကာလအတန်ကြာပြီဖြစ်ပေမယ့် အကြမ်းဖက်စစ်ကောင်စီ အနေနဲ့ ပြည်သူတွေကို ပစ်မှတ်ထားပြီး လေကြောင်းတိုက်ခိုက်မှုတွေ မကြာခဏပြုလုပ်လျက်ရှိတယ်လို့လည်း MDY PDF က ထုတ်ပြန်အသိပေးထားပါတယ်။
Photo – MDY_PDF
