၃ မတ်၊ ၂၀၂၅
ထိုင်းနိုင်ငံ၊ မဲဆောက်မြို့က Lotus စျေးဝယ်စင်တာမှာ ရှိတဲ့ ရွှေဆိုင်တဆိုင်ကို ဓါးပြတိုက်ခံရမှုဖြစ်ပွားခဲ့တာကြောင့် မဲဆောက်မှာနေထိုင်တဲ့ မြန်မာတွေအကြားစိုးရိမ်မှုတွေ မြင့်တက်နေပါတယ်။
ထိုင်း-မြန်မာနယ်စပ်ရှိ ထိုင်းနိုင်ငံမဲဆောက်မြို့က Lotus စျေးဝယ်စင်တာက သြရွဇာရွှေဆိုင်မှာ မတ်လ၂ ရက် ည ၇ နာရီ ၂၇ မိနစ်က ဓါးပြတိုက်ခံရတာဖြစ်ပါတယ်။
မတ်လ ၃ ရက်နေ့ နေ့လည်ပိုင်းအထိ ဓါးပြတိုက်တဲ့ တရားခံကို မဖမ်းမိသေးဘဲ ဓါးပြတိုက်သူဟာ မြန်မာနိုင်ငံသားဖြစ်နေမှာကို မဲဆောက် မြို့က မြန်မာတွေအကြားစိုးရိမ်မှုတွေမြင့်တက်နေတာဖြစ်ပါတယ်။
“မြန်မာနိုင်ငံသားမဟုတ်ပါစေနဲ့လို့ပဲဆုတောင်းတယ်။ ဒီရက်ပိုင်းမှာ ကျားဖြန့် ကိစ္စတွေနဲ့ ရောထွေးနေပြီး အဖမ်းအဆီးအရမ်းများတယ်။ ဒီမှာက မြန်မာတွေ အများကြီးနေကြတာလေ၊ တရားဝင်ရော၊ တရားမဝင်တွေရော၊ ထိုင်းရဲတွေက မြန်မာတွေကိုပီုပြီီီီီီးဖမ်းမှာ စိုးရိမ်ရသလို၊ ဒီမှာရှိတဲ့ ထိုင်းတွေရဲ့ အမြင်ကိုလည်း မြန်မာဆိုရင် ဒီလိုပါလားလို့ မြင်မှာစိုးရိမ်နေရတယ်။”လို့ မဲဆောက်မြို့က မြန်မာတဦးက New Day Myanmar ကိုပြောပါတယ်။
ဆိုင်ကယ်ဦးထုပ်ဆောင်ပြီး အင်္ကျီအစိမ်းနုဘောင်းဘီအပြာဝတ်ဆင်ထားတဲ့ ဓါးပြဟာ သေနတ်တချက်ပစ်ဖောက်ပြီး ရွှေဆိုင်ဝန်ထမ်းတွေ ထွက်ပြေးသွားချိန်မှာ ဆိုင်အတွင်းက ရွှေထည်ပစ္စည်းမျိုးစုံ ၁၀၂ ကျပ်သားကို ယူဆောင်ထွက်ပြေးသွားတယ်လို့ သိရပါတယ်။
Photo – CCTV record
