Homeပြည်တွင်းသတင်းရွေးကောက်ပွဲ အကြောင်းပြ၍ စစ်မှုထမ်းစာရင်းလိုက်ကောက်နေ

ရွေးကောက်ပွဲ အကြောင်းပြ၍ စစ်မှုထမ်းစာရင်းလိုက်ကောက်နေ

၃ မတ်၊ ၂၀၂၅

ယခင်က အရပ်‌သဘောကောက်နေတဲ့ လူဦးရေစာရင်းကို စစ်ကောင်စီအနေနဲ့ လက်ရှိအချိန်မှာ ကို ပုံစံ -၂ ဖောင်ဖြည့်ခိုင်းပြီး ပေါ်ပေါ်ထင်‌ထင်ကောက်ခံနေပါတယ်။

စစ်တပ်က ဦးဆောင်ပြုလုပ်မယ့် ရွေးကောက်ပွဲတွင် မဲထည့်ရန်အတွက်ဟု ဆိုကာ အကြောင်းပြပြီး လူ‌ဦးရေစာရင်းတိတိကျကျ သိနိုင်ဖို့ ပုံစံ -၂ ဖောင်ဖြည့်ခိုင်းတာဖြစ်တယ်လို့ သိရပါတယ်။

လက်ရှိမှာတော့ သာကေတမြို့နယ်၊ ဒဂုံဆိပ်ကမ်းမြို့နယ်နဲ့ တောင်ဥက္ကလာမှာ စတင်ကောက်ယူနေပြီဖြစ်တယ်လို့ စုံစမ်းသိရှိရပါတယ်။

” သူတို့က ပုံစံ – ၂ ကိုဖြည့်ခိုင်းတယ်။ ဘာကြောင့်လဲဆိုတာကိုမပြောဘူး။ အတင်းလိုက်မေးတော့မှ မဲထည့်ဖို့ဆိုပြီးပြောတယ်။ တစ်အိမ်လုံးက ရှိသမျှလူဦးရေစာရင်း‌ကို ထည့်ခိုင်းတာ။ နိုင်ငံခြားသွားနေတဲ့သူရှိနေရင်လည်း သူတို့ဟာကိုပါဖြည့်ခိုင်းတာ။ မဲထည့်ဖို့အတွက်ကမဖြစ်နိုင်ဘူး။ စစ်မှုထမ်းဖို့လူဦးရေစာရင်းကို လိုက်ကောက်နေတာ” လို့ သာကေတမြို့နယ်မှာနေထိုင်သူတစ်ဦးကပြောပါတယ်။

ရပ်ကွက်နေပြည်သူတွေ ဖြည့်ထားတဲ့ ပုံစံ – ၂ ဖောင်တွေကို မြို့နယ်မှူးဆီကို အုပ်ချုပ်ရေးမှူးတွေက တင်ပြရမှာဖြစ်ပါတယ်။

ပြီးခဲ့တဲ့ ဖေဖော်ဝါရီလ ၁၂ ရက်နေ့ မွန်းလွဲပိုင်းက ဒေါပုံမြို့နယ်၊ ကြည်စုရပ်ကွက်၊ ဓမ္မရိပ်သာလမ်းရှိနေအိမ်တွေကို မဲစာရင်းအတွက်ဟုဆိုကာ ‌ သန်းခေါင်စာရင်းကောက်ယူနေတဲ့ ရပ်ကွက်ရာအိမ်မှူး၊ ဆယ်အိမ်မှူးနဲ့ အမျိုးသမီးတဦးတို့ကို ရပ်ကွက်အတွင်းနေထိုင်သူတစ်ဦးက ဓာတ်ဆီလောင်းမီးရှို့ခဲ့ရာ နှစ်ဦးသေဆုံးခဲ့ပါတယ်။

Photo – SAC

ဆက်စပ် သတင်းများ

Most read