ရေစကြိုမြို့နယ်၊ ရေလယ်ကျွန်းဒေသ၊ မြေတော်ကျေးရွာကို စစ်တပ်က ပြီးခဲ့တဲ့ မတ်လ ၁၄ ရက်နေ့ က စစ် ကြောင်းထိုးဝင်ရောက်မီးရှို့ခဲ့တာကြောင့် နေအိမ် အလုံး ၂၇၀ ကျော် မီးလောင်ပျက်စီးခဲ့ရတယ်လို့ Yesagyo Township Info Committee က မတ်လ ၂၄ ရက်နေ့က ထုတ်ပြန်ထားပါတယ်။
မြေတော်ကျေးရွာကို စစ်တပ်က မတ်လ ၁၄ ရက်နဲ့ ၁၅ ရက်နေ့အထိ နှစ်ရက်ဆက်တိုက် လက်နက်ကြီး၊ လက်နက်ငယ်တွေပစ်ခတ်ဝင်ရောက်ပြီး နေအိမ်တွေကို မွှေနှောက်ဖျက်ဆီးပြီး ပြည်သူပိုင် ပစ္စည်းဥစ္စာတွေကို ခိုးယူလုယက် ယူဆောင်ကာ မီးရှို့ဖျက်ဆီးခဲ့တာကြောင့် နေအိမ် (၂၇၂) လုံး မီးလောင်ပျက်စီးခဲ့တယ်လို့ ဆိုပါတယ်။
စစ်ကောင်စီတပ်အနေနဲ့ ပြီးခဲ့တဲ့ မတ်လ ပထမပတ်အတွင်းကလည်း ရေလယ်ကျွန်းဒေသမှာရှိတဲ့ မြေစွန်း တော် ရွာမှာ အိမ်ခြေ ၂၆၆ လုံး၊ ဇရပ်နီကျေးရွာက နေအိမ် ၆၈ လုံး၊ သာဂေါင်လေးကျေးရွာက နေအိမ် ၂၀၊ စုစုပေါင်း နေအိမ် ၃၅၄ လုံး မီးရှို့ ဖျက်ဆီးခံခဲ့ရတယ်လို့ Yesagyo Township Info Committee က မတ်လ ၁၇ ရက်နေ့ က ထုတ်ပြန်ထားပါ တယ်။
ဒီလိုမီးရှို့ဖျက်ဆီးမှုကြောင့် ရေစကြို၊ ရေလယ်ကျွန်းဒေသမှာ ရွာလုံးကျွတ်နီးပါး မီးလောင်ပြာကျခဲ့တဲ့ မြေစွန်းတော်ရွာ၊ ဇရပ်နီရွာနဲ့ မြေတော်ရွာတွေက ဒေသခံပြည်သူတွေ အစားအသောက်နဲ့ဆေးဝါးတွေ စတဲ့ ရေးပေါ်အကူအညီတွေ လိုအပ်နေတယ်လို့လည်း သိရပါတယ်။
ပုံစာ-(မတ်လ ၁၆ ရက်နေ့တွင် မြင်တွေခဲ့ရသည့် မီးလောင်ပျက်စီးခဲ့သည့် ရေလယ်ကျွန်းဒေသ၊ မြေတော် ကျေးရွာရှိနေအိမ်များ)
ဓာတ်ပုံ – Yesagyo Township Info Committee
