ရန်ကုန်တိုင်းဒေသကြီးအတွင်းမှာ တပတ်အတွင်း COVID 19 အတည်ပြုလူနာ ၁၇ ဦးအထိ ရှိလာခဲ့တယ်လို့ စစ်ကောင်စီလက်အောက်ခံ ကျန်းမာရေးဝန် ကြီးဌာနက ဇွန်လ ၃ ရက်နေ့မနက်မှာ သတင်းထုတ်ပြန်ထားပါတယ်။
ကျန်းမာရေးဝန် ကြီးဌာနအနေနဲ့ မေလ၂၅ ရက်ကနေ ဇွန်လ ၁ ရက်နေ့အထိ ဓာတ်ခွဲနမူနာစုစုပေါင်း ၁၇၇၈ ခုကို စစ် ဆေးခဲ့ရာမှာ COVID 19 အတည်ပြုလူနာ ၁၇ ဦးအထိ တွေ့ရှိခဲ့တာလို့ သိရပါတယ်။
COVID 19 အတည်ပြုလူနာ ၁၇ ဦးကတော့ လှိုင်မြို့နယ်မှာ ၃ ဦး ၊ မရမ်းကုန်း၊ အလုံ နဲ့ကမာရွတ်မြို့နယ်တွေမှာ ၂ ဦးစီနဲ့ ဗိုလ်တထောင်၊ ပုဇွန်တောင်၊ သင်္ဃန်းကျွန်း ၊ လှိုင်သာယာ၊ပန်းပဲတန်း၊ ရွှေပြည်သာ၊ ဆိပ်ကြီးခနောင်တို နဲ့ ဒဂုံမြို့သစ် (မြောက်ပိုင်း) စတဲ့မြို့နယ်တွေမှာ ၁ ဦးစီတို့ ဖြစ်တယ်လို့ သိရပါတယ်။
လက်ရှိအချိန်ထိ မြန်မာနိုင်ငံမှာ ၂၀၂၀ ခုနှစ်၊ မတ်လ ၂၃ ရက်နေ့က ၂၀၂၅ခုနှစ မေလ ၁၁ ရက်နေ့အထိ COVID 19 ရောဂါဖြစ်ပွားသူ ၆၄၃၂၄၂ ဦးရှိခဲ့ပြီး ရောဂါကြောင့် သေဆုံးသူ ၁၉,၄၉၄ ဦးရှိခဲ့တယ်လို့လည်း စစ်ကောင်စီရဲ့ ကျန်းမာရေးဝန်ကြီးဌာနက သိရပါတယ်။
ပုံစာ – ၂၀၂၁ ခုနှစ် ဩဂုတ်လအတွင်းက ရန်ကုန်မြို့တွင် COVID 19 ဖြစ်ပွားနေစဉ်
ဓါတ်ပုံ – AP
