၃ မတ် ၊ ၂၀၂၅
ရန်ကုန်မှာ ယနေ့ မတ်လ(၃)ရက် မနက်(၁၀)နာရီကျော်အချိန်မှာ အင်အားရစ်(ခ်)တာ စကေး (၄.၅) အဆင့်ရှိ အင်အားအနည်းငယ်ရှိသော မြေငလျင်လှုပ်ခတ်သွားခဲ့ပါတယ်။
ရန်ကင်း၊အလုံ၊ဗဟန်း၊မှော်ဘီ၊တာမွေ ၊ တောင်ဥက္ကလာအအပါအဝင်မြို့နယ်အချို့မှာ ငလျင်လှုပ်ခတ်တာကို သိသိသာသာခံစားရတယ်လို့ဆိုပါတယ်။
” ငလျင်ကတော်တော်သိသိသာသာလှုပ်သွာ။ အိမ်ကိုရမ်းခါသွားတာပဲ။ ၃ မိနစ်လောက်တော့ကြာတယ်။ ခေါင်းကိုမူးသွားတာပဲ”လို့ တောင်ဥက္ကလာပမြို့မှာ နေထိုင်သူတစ်ဦးက New Day Myanmar ကိုပြောပါတယ်။
ကမ္ဘာအေးမြေငလျင်စခန်းမှ မြောက်-အနောက်မြောက်ဘက် (၂၇)မိုင်ခန့် ကွာဝေးသော မြန်မာနိုင်ငံပြည်တွင်း (တိုက်ကြီးမြို့၏ အရှေ့တောင်ဘက် (၇) မိုင်ခန့်အကွာ)၊ မြောက်လတ္တီတွဒ် (၁၇.၂၅) ဒီဂရီ၊ အရှေ့လောင်ဂျီတွဒ် (၉၆.၀၆)ဒီဂရီ၊ အနက် (၁၀) ကီလိုမီတာကို ဗဟိုပြု၍ အင်အားရစ်(ခ်)တာ စကေး (၄.၅) အဆင့်ရှိ အင်အားအနည်းငယ်ရှိသော မြေငလျင်တစ်ခု လှုပ်ရှားသွားတယ်လို့ စစ်ကောင်စီမိုးလေဝသက ထုတ်ပြန်ထားပါတယ်။
