၂၀ မတ်၊ ၂၀၂၅
ရန်ကုန်မြို့မှာ ပြီးခဲ့တဲ့ မတ်လ ၆ ရက် နဲ့ ၇ ရက်တွေက ဖမ်းဆီးရမိတဲ့ ငွေကျပ်သိန်းပေါင်း ၉၆ ဘီလီယံကျော် တန်ဖိုးရှိ မူးယစ်ဆေးဝါးတွေမှာ အာရက္ခတပ်တော် – AA နဲ့ ပတ်သက်မှုမရှိဘူးလို့ AA က မတ်လ ၁၉ ရက်နေ့က အသိပေးထုတ်ပြန်ပါတယ်။
ဖမ်းဆီးရမိတဲ့ မူးယစ်ဆေးဝါးတွေဟာ အာရက္ခတပ်တော် – AAရဲ့ စီးပွားရေးတာဝန်ခံ ရဲဝင်း(ခ)ကျော်စိုးလင်းနဲ့ ပတ်သက်နေတယ်ဆိုတဲ့ စစ်ကောင်စီရဲ့ထုတ်ပြန်ချက်မှာ စွပ်စွဲမှုသာဖြစ်တယ်လို့လည်း ပြောဆိုထားပါတယ်။
စစ်ကောင်စီတပ်အနေနဲ့ AA ကို စစ်ရေးအရ ရှုံးနိမ့်နေတဲ့ကာလဖြစ်တဲ့အပြင် ပြည်တွင်း၊ အိမ်နီးချင်းနိုင်ငံတွေနဲ့ နိုင်ငံတကာအလယ်မှာ အရှက်ရနေတဲ့အချိန်ဖြစ်တာကြောင့် ယခုလိုနိုင်ငံရေးအရ ထိုးနှက်တိုက်ခိုက် တာဖြစ် တယ်လို့လည်း ဆိုထားပါတယ်။
ဒုစရိုက်မှုများ၊ မူးယစ်ဆေးဝါးကိစ္စတွေအပြင် အွန်လိုင်းလိမ်လည်လောင်းကစား ကျားဖျန့်ကိစ္စတွေမှာ စစ်ကောင်စီထိန်းချုပ်ရာနယ်မြေတွေဖြစ်တဲ့ (နေပြည်တော်၊ ရန်ကုန်၊ မန္တလေး) နဲ့ စစ်ကောင်စီမှ ခေတ် အဆက်ဆက် လက်သပ် မွေးထားတဲ့ ပြည်သူ့စစ် ကြီးစိုးထိန်းချုပ်ရာ နယ်မြေများ၊ အကျင့်ပျက် အဂတိလိုက်စား လာဘ်ပေးလာဘ်ယူ စစ်ဗိုလ်ချုပ်ကြီးများ ပိုင်ဆိုင်သောနေရာတွေမှာသာ အဓိကတွေ့ရလေ့ရှိတယ်လို့ AA က ပြောဆိုထားပါတယ်။
စစ်တပ်ဟာ ခေတ်အဆက်ဆက်မှာလည်း သူတို့နဲ့ တိုက်ပွဲအပြင်းအထန်ဖြစ်ပွားခဲ့တဲ့ တိုင်းရင်းသားလက်နက် ကိုင်အဖွဲ့တွေကို အခုလိုပဲ စစ်ရေးအရ ရှုံးနိမ့်ချိန်မှာ နိုင်ငံရေးသိက္ခချဖို့အတွက် စွပ်စွဲထိုးနှက်တာတွေ အချိန် ကိုက်လုပ်လေ့ရှိတယ်လို့ AA က ပြောဆိုထားပါတယ်။
ဓာတ်ပုံ – AA InfoDesk ၊ Myanmar Military
