၁၅ ဖေဖေါ်ဝါရီ၊၂၀၂၅
ပလောင်ပြည်နယ်လွတ်မြောက်ရေးတပ်ဦး-PSLF/TNLA ရဲ ကိုယ်စားလှယ်တွေနဲ့ တရုတ်အစိုးရရဲ့ စီစဉ်ချက်အရ စစ်ကောင်စီရဲ့ ကိုယ်စားလှယ်တွေနဲ့ တွေ့ဆုံဖို့ ဖေဖော်ဝါရီလ ၁၅ ရက်တွင် ဒီနေမှာ တရုတ်နိုင်ငံ ယူနန်ပြည်နယ်၊ ကူမင်းမြို့ကို ရောက်ရှိနေပြီးဖြစ်တယ်လို့ TNLA ရဲ့ ထုတ်ပြန်မှုအရသိရပါတယ်။
PSLF ကိုယ်စားလှယ်အဖွဲကို ဒုဗိုလ်ချုပ်ကြီး တားဂျုတ်ဂျားမှ ဦးဆောင်ပြီး၊ မဟာမိတ်ဆက်ဆံရေးဌာနမှူး ဗိုလ်မှူးကြီး တာမိုးဟိန်း အပါအဝင် ကိုယ်စားလှယ် ၉ ဦးတက်ရောက်မည်ဖြစ်ပြီး၊ မြန်မာကိုယ်စားလှယ်ဖက်မှ MNDAA ကိုးကန့်အဖွဲကို တွေ့ဆုံဆွေးနွေးခဲ့သူ ကစထ(၁) မှူးဖြစ်သည့် ဒုဗိုလ်ချုပ်ကြီး ကိုကိုဦးမှ ဦးဆောင်မှာ ဖြစ်တယ်လို့လည်း သိရပါတယ်။
တရုတ်နိုင်ငံရဲ့ ကြားဝင်စီစဉ်မှုနဲ့ လက်ရှိစစ်ရေးပြဿနာတွေပြေလည်နိုင်ဖို့ လာမယ့် ဖေဖော်ဝါရီလ ၁၆ ရက်မှာ တွေ့ဆုံမှုတွေစတင်မှာဖြစ်တယ်လို့လည်း သိရပါတယ်။
TNLA ဟာ ၁၀၂၇ စစ်ဆင်ရေးအတွင်း မန္တ လေးတိုင်းအတွင်းက မိုးကုတ်မြို့အပါအဝင် ရှမ်းမြောက်ရှိ မြို့ ၁၂ မြို့ကို တိုက်ခိုက်သိမ်းပိုက်ထားပြီး ရှမ်းမြောက် နောင်ချိုမြို့နယ် တောင်းခမ်းရွာမှာတော့ စစ်တပ်နဲ့ TNLA တို့အကြား လက်ရှိအချိန်ထိ တိုက်ပွဲ ဆက်လက် ဖြစ်ပွားနေဆဲဖြစ်ပါတယ်။
ပြီးခဲ့တဲ့ ဇန်နဝါရီ ၁၆ ရက်နဲ့ ၁၇ ရက်မှာလည်း တရုတ်ရဲ့ ကြားဝင်စေ့စပ်မှုကြောင့် စစ်ကောင်စီနဲ့ MNDAA တို့ တရုတ်နိုင်ငံမှာ ၂ ရက်ကြာ ဆွေးနွေးခဲ့ပြီး အပစ်ရပ်ဖို့ သဘောတူညီခဲ့ကြောင်း တရုတ်က ကြေညာထားပါတယ်။
Photo – PSLF/TNLA
