မြန်မာနိုင်ငံမှာ လတ်တလော ဖြစ်ပွါးခဲ့တဲ့ ငလျင်ဘေးအန္တရာယ်ကြီးကြောင့် မြန်မာနိုင်ငံက မြို့နယ် ၃၃၀ မြို့နယ် အနက် မြို့နယ် ၆၀ နီးပါးမှာ နေထိုင်ကြတဲ့ လူဦးရေ ၁၇ သန်းခန့် ထိခိုက်မှုရှိမယ်လို့ ကုလသမဂ္ဂလူသားချင်းသာနာမှုဆိုင်ရာ ညှိနှိုင်းရေးရုံး UNOCHA ကခန့်မှန်းထားပါတယ်။
ထိခိုက်မှု အပြင်းထန်ဆုံး နေရာဒေသက လူသန်းပေါင်းများစွာဟာ လျှပ်စစ်မီး၊ သန့်ရှင်းတဲ့ သောက်သုံးရေ၊ စားနပ်ရိက္ခာနဲ့ ကျန်းမာရေး စောင့်ရှောက်မှုတွေ မရခြင်း သို့မဟုတ် လုံလောက်မှုမရှိခြင်းတို့ ကြုံတွေ့ကြရပါတယ်လို့ ဆိုပါတယ်။
တယ်လီဖုန်းဆက်သွယ်ရေးစနစ်တွေပြတ်တောက်မှုနဲ့အတူ လမ်း၊ တံတားတွေ ပျက်စီးခဲ့တာကြောင့် ဘေးသင့် ပြည်သူတွေဆီ အရေးကြီးတဲ့ အကူအညီတွေ ရောက်ရှိနိုင်ဖို့ ပိုမို ခက်ခဲလျက်ရှိနေပါတယ်လို့လည်း သိရပါတယ်။
ပရဟိတအဖွဲ့တွေဟာ ဒေသခံ ရှေးဦးပံ့ပိုးပေးတဲ့ အဖွဲ့အစည်းတွေကို အားဖြည့်ကူညီပေးရင်း ဘေးအန္တရာယ်ထိခိုက်မှုအပြင်းထန်ဆုံးသူတွေအတွက် လူမှုဘဝရှင်သန်ရှင်း အကူအညီတွေပေးနိုင်ဖို့ အချိန်ပြည့် လုပ်ဆောင်လျက်ရှိနေပေမယ့် ဒီ့ထက် အများကြီး လုပ်ဆောင်ဖို့ လိုအပ်နေတယ်လို့ UNOCHA က ထုတပြန်ပါတယ်။
ဓါတ်ပုံ – UNOCHA
