Homeပြည်တွင်းသတင်းမန္တလေးဆေးရုံကြီးမှာ လူနာအများအပြားရောက်နေပြီး ဆေးကုသရေး မလုံလောက်ဖြစ်နေ

မန္တလေးဆေးရုံကြီးမှာ လူနာအများအပြားရောက်နေပြီး ဆေးကုသရေး မလုံလောက်ဖြစ်နေ

၂၉ မတ်၊ ၂၀၂၅

ဒီနေ့ မတ်လ ၂၉ ရက် မနက်ပိုင်းမှာတော့ မန္တလေးမြို့က ဆေးရုံကြီးမှာ လူနာတွေ အများအပြားဖြစ်နေပြီး ဆေးဝါးကုသမှု လုံလောက်တဲ့ အခြေအနေမရှိဘူးလို့ မန္တလေးမြို့ခံတွေဆီက သိရပါတယ်။

မန္တလေးမှာတော့ အဆောက်အဦးပြိုကျမှုတွေ ရှိခဲ့ပြီး ကယ်ဆယ်ရေးအဖွဲ့တွေ အလုံအလောက်မရှိတဲ့ ကြားက ကူညီဆောင်ရွက်မှုတွေပြုလုပ်နေပါတယ်။ ဒါပေမယ့် အဆောက်အဦးတွေ ဆက်လက်ပြိုကျမှုတွေ ဆက်လက်ဖြစ်ပေါ်နေပြီး နောက်ဆက်တွဲ ငလျင်တွေ လည်း ဆက်လှုပ်နေဆဲဖြစ်ပါတယ်။

“အားလုံးက အိမ်တွေထဲမှာမအိပ်ရဲတော့ဘဲ မြေပြင်ကွင်းလွတ်ရာတွေမှာ အိပ်နေကြရတယ်။ ဆေးရုံမှာလည်း လူနာတွေက အများကြီးဖြစ်နေတယ်။ ဆေးကုသဖို့ လည်း ဘယ်လိုမှ လုံလောက်စရာ အခြေအနေမဖြစ်နေဘူး။”‘လို့ မန္တလေးက ပရဟိတ သမားတဦးက New Day Myanmar ကိုပြောပါတယ်။

စစ်ကောင်စီကတော့ ငလျင်​ကြောင့် သေဆုံးသူအရေအတွက်ဟာ ၁၄၄ ယောက်အထိပဲရှိတယ်လို့ပြောဆိုထားပေမယ့် မြေပြင် ကယ်ဆယ်ရေး အဖွဲ့တွေကတော့ သေဆုံးသူ ထောင်ချီရှိနိုင်တယ်လို့ ပြောဆိုနေကြပါတယ်။

ပုံစာ – ငလျင်ဒဏ်စိုးရိမ်မှုကြောင့် အဆောက်အဦးများဘေးလွတ်ရာတွင် အိပ်စက်နေကြနေ မန္တလေးဒေသခံများ

ဓါတ်ပုံ- CJ

#NewDayMyanmar

ဆက်စပ် သတင်းများ

Most read