၁၂ အောက်တိုဘာ၊၂၀၂၄
မန္တလေးတိုင်း မတ္တရာမြို့နယ် ဝေါစုကျေးရွာက စစ်ဘေးဒုက္ခသည်စခန်းလုပ်ထားတဲ့ ဘုန်းကြီးကျောင်းကို အောက်တိုဘာလ ၁၁ ရက် နေ့လယ်ပိုင်းမှာ စစ်ကောင်စီက လေကြောင်းကနေ ဗုံးကြဲတိုက်ခိုက်ခဲ့လို့ သံဃာ သုံးပါးနဲ့ ကလေးငယ်တွေ အပါအဝင် အရပ်သား ၁၂ ဦး သေဆုံးခဲ့တယ်လို့ မန္တလေး (MDY-PDF) က သတင်းထုတ်ပြန်ပါတယ်။
ဒီတိုက်ခိုက်မှုဟာ တိုက်ပွဲဖြစ်ပွားချင်းမရှိပဲ စစ်ဆင်ရေးနဲ့ မသက်ဆိုင်တဲ့ ပြည်သူကို အကြောင်းမဲ့ ပစ်မှတ်ထား တိုက်ခိုက်ခဲ့တာြဖစ်တယ်လို၌လည်း ဆိုပါတယ်။
ဒီတိုက်ခိုက်မှုကြောင့် သေဆုံးသူ ၁၂ ဦးအပြင် ၁ဝ ဦးကျော် ဒဏ်ရာရရှိခဲ့ဪေကာင်းနဲ၌ စစ်ကောင်စီရဲ့ ဒီလုပ်ရပ်ဟာ စစ်ရာဇဝတ်မှုကို ပြောင်ပြောင်တင်းတင်း ကျူးလွန်နေတာဖြစ်တယ်လို့လည်း MDY-PDF က ထုတ်ပြန်ထားပါတယ်။
မတ္တရာမြို့နယ်အတွင်း စစ်ကောင်စီတပ်တွေ စစ်ကြောင်းထိုးနေတာကြောင့် တုံကုန်းရွာနဲ့ အနီးဝန်းကျင်ရွာတွေက ဒေသခံ သုံးရာလောက်ဟာ ဝေါစုကျေးရွာ ဘုန်းကြီးကျောင်းမှာ ခိုလှုံနေတာဖြစ်တယ်လို့လည်း သိရပါတယ်။
ပုံစာ -စစ်ကောင်စီ လေကြောင်းနဲ့ တိုက်ခဲ့သည့် မတ္တရာမြို့နယ် ဝေါစုကျေးရွာဘုန်းကြီကျောင်းနှင့် ကွယ်လွန်ခဲ့သည့် သံဃာသုံးပါး
Photo – MDY-PDF
