စစ်ခေါင်းဆောင်မင်းအောင်လှိုင်ဦးဆောင်တဲ့ မြန်မာစစ်တပ်အနေနဲ့ ပြည်တွင်းစစ်ပွဲတွေအတွင်း အနိုင်မရနိုင် တော့ကြောင်း အမေရိကန်ပြည်ထောင်စု ၀ါရှင်တန်ဒီစီအခြေစိုက် National War College မှ ပါမောက္ခ ဒေါက်တာ Zachary Abuzaက အချက် ၅ ချက်နဲ့ မှတ်ချက်ပြုပြောဆိုခဲ့တယ်လို့ သိရပါတယ်။
မတ်လ ၂၂ ရက်နေ့မှ မတ်လ ၂၃ ရက်နေ့အထိ ထိုင်းလွှတ်တော်မှာကျင်းပခဲ့တဲ့ “တည်တံ့ခိုင် မြဲသောငြိမ်ဝပ်ခြင်း နဲ့ လုံခြုံရေး တိုးတက်အောင်မြင်စေခြင်း – ထိုင်းနှင့်အာဆီယံရဲ့ နယ်စပ်တည် ငြိမ်မှုနဲ့ ဒီမိုကရေစီသို့ အဖွဲ့ အစည်း တည်ဆောက်ရေးလမ်းကြောင်း” ဆွေးနွေးပွဲမှာ ၎င်းက ပြောဆိုခဲ့တာဖြစ်တယ်လို့ သိရပါတယ်။
ပထမအချက်အနေနဲ့ မြန်မာ စစ်တပ်က နိုင်ငံအနှံအပြားကျယ်ပြန့်များပြားစွာ စစ်မျက်နှာဖွင့်ပြီး တပ်ဖြန့်ထား ရကြောင်း၊ ဒုတိယအနေဖြင့် လူအင်အား ပြတ်လပ်မှု ဆိုးဆိုးရွားရွား ရင်ဆိုင်နေရပြီး မည်သို့ အရှိန်အဟုန်ပြင်း ပြင်းဖြင့် ပြဿနာကိုကိုင်တွယ်ရန် ကြိုးစားစေကာမူ ဖြေရှင်းနိုင်မည်မဟုတ်ကြောင်းနဲ့ စစ်တပ်ရဲ့ ထောက်ပံ့ပို့ ဆောင်ရေး ကွန်ရက်တွေ ပြိုပျက်နေပြီဖြစ်တယ်လို့ ဆိုပါတယ်။
တတိယအချက်အနေနဲ့ မြန်မာစစ်တပ်မှာ ယခင်က တပ်စခန်း ပေါင်း ၅၀၀ ကျော်ဖြင့် တိုင်းပြည်ကို သိမ်းပိုက် ထိန်းချုပ်ထားခဲ့ကြောင်း၊ လက်ရှိအခြေအနေအရ အဆိုပါ စစ်တပ် တပ်စခန်းအများအပြားကို ပြန်လည် ထောက် ပံ့ခြင်း သို့မဟုတ် ပြန်လည်လက်နက်တပ်ဆင်ခြင်း မပြုနိုင်ကြောင်း၊ ထောက်ပံ့ရေးလိုင်းများ ဖြတ်တောက် ခံနေ ရပြီး အဆိုပါ စစ်တပ်စခန်းများကို ထိန်းသိမ်းထားနိုင်ရန် လုံလောက်သည့် လေ ကြောင်း နဲ့ သယ်ယူပို့ဆောင်ရေး ရဟတ်ယာဉ် အရေအတွက်လည်း မလုံလောက်ကြောင်း သိရှိရတယ်လို့ ဆိုပါတယ်။
စတုတ္တအချက်အနေဖြင့် စစ်တပ်အတွက် အရေးကြီးဆုံး ဖြစ်တဲ့ ကာကွယ်ရေးပစ္စည်း စက်ရုံ ၂၄ ရှိပြီး ရခိုင်တပ်တော် AA နဲ့ မဟာမိတ်တော်လှန်ရေးတပ်တွေက အဆိုပါစက်ရုံတွေနဲ့ နီးသည်ထက်ပိုနီးအောင် ဝင်ရောက်လာနေကြောင်း နဲ့ အဆိုပါစက်ရုံတွေကို တိုက်ခိုက်သိမ်းပိုက်ရန် မလိုအပ်ဘဲ ထောက်ပံ့ရေး ဖြတ်တောက်နိုင်ကြောင်း ၎င်းက ထောက်ပြောဆိုထားပါတယ်။
ဆက်လက်ပြီး မြန်မာစစ်တပ်အတွင်း မညီမျှမှုပြဿနာတွေဖြစ်ပေါ်နေကြောင်း၊ လေကြောင်းအား သာချက် ရှိသော်လည်း စစ်ရေးရည်ရွယ်ချက်အတွက် မသုံးဘဲ အရပ်သား ပြည်သူတွေထိခိုက်ကြောက်ရွံ့စေဖို့သာ လုပ်ဆောင်နေတယ်လို့ စုကဆိုပါတယ်။
စစ်ကောင်စီအနေဖြင့် အရင်းအမြစ်များ ဆုံးရှုံးလာနေပြီး အဆိုပါ ဆုံးရှုံးမှုတွေကို ပြန်လည်ဖြည့်ဆည်းဖို့ တခြား ဝင်ငွေ အရင်းအမြစ်တွေမရှိတော့ကြောင်း ဒီအခြေအနေကိုလည်း စစ်တပ်က ရက်စက်ကြမ်းကြုတ်တဲ့ လုပ်ရပ် တွေနဲ့ မြန်မာ့စီးပွားရေးကို ဖျက်ဆီးလိုက်တာဖြစ်ကြောင်းနဲ့ စစ်တပ်မှာ အရင်ကဝင်ငွေရရှိနိုင်တဲ့ အရင်းအမြစ် များစွာရှိခဲ့ပေမယ့် လက်ရှိမှာ အရင်းအမြစ်အများစုမှာ ပျောက်ဆုံးသွားပြီဖြစ်တယ်လို့ ၎င်းက ထောက်ပြ ပြော ဆိုခဲ့ပါတယ်။
ဓာတ်ပုံ – National War College
