၃ မတ် ၊ ၂၀၂၅
မကွေးတိုင်း၊ မြိုင်မြို့နယ် နဲ့ ပေါက်မြို့နယ်အစပ်က လက်ပံတို ရေနံမှော် အနီးကို စစ်ကောင်စီက ဒီနေ့မနက် လေကြောင်းတိုက်ခိုက်မှုပြုလုပ်ခဲ့တာကြောင့် အရပ်သားပြည်သူ ၁၂ ဦး သေဆုံးပြီး လူအများအပြား ထိခိုက်ဒဏ်ရာရခဲ့တယ် ဒေသကာကွယ်ရေးတပ်ဖွဲ့တွေထံက သိရပါတယ်။
စစ်ကောင်စီလေတပ်က ဖေဖော်ဝါရီ ၃ ရက် မနက် ၁ နာရီက ၂ နာရီအထိ လေကြောင်းကနေ စုစု ပေါင်း ၈ ကြိမ်အထိ ဗုံးကြဲတိုက်ခိုက်ခဲ့တာပါ။
မြိုင်မြို့နယ် ဆိတ်ချေးရွာအနီးကို Y 12 နဲ့ တစ်ကြိမ်၊ ဂျုတ်ကုန်းရွာအနီးကို တစ်ကြိမ်၊ ဘောင်ဘင်ရွာကို နှစ်ကြိမ် လေကြောင်းက ဗုံးကြဲတိုက်ခိုက်ခဲ့တာပါ။
ညောင်ကုန်းရွာဘုန်းကြီးကျောင်းကိုလည်း Y 12 နဲ့ တစ်ကြိမ်၊ ဆူးဝင်းရွာအနီးကို ဂျက်ဖိုက်တာယာဥ် နဲ့တကြိမ်၊ တောရွာအနီး လယ်ကွင်းပြင်ကို တကြိမ်၊ သရက်ကန်ရွာအနီးကို တကြိမ် တိုက်ခိုက်ခဲ့ပါသေးတယ်။
စစ်ကောင်စီလေတပ်ဟာ ပြီးခဲ့တဲ့ ဖေဖော်ဝါရီ ၂၅ ရက်ကလည်း မြိုင်မြို့နယ် ၊ ကျောက်ခွက်ရေနံမှော်အနီးက ဆုံကုံးရွာ ဘုန်းကြီးကျောင်းမှာ ပြုလုပ်တဲ့ မင်္ဂလာဆောင်ကို လေကြောင်းကနေ ဗုံးကြဲတိုက်ခိုက်လို့ ပြည်သူ ၁၁ ဦးထက်မနည်း သေဆုံးပြီး အများအပြား ဒဏ်ရာရခဲ့ပါတယ်။
Photo – CJ
