၂၁ ဒီဇင်ဘာ၊၂၀၂၄
ရခိုင်ပြည်နယ် ဘူးသီးတောင်မြို့ မှာမီးလောင်မှုဖြစ်ပွားခဲ့ပြီး ဒေသခံနေအိမ် (၂၆) လုံး မီးကူးဆက်လောင် ကျွမ်းပျက်စီးခဲ့တယ်လို့ သိရပြီး ဖြစ်စဉ်ကို (ULA/AA) အာဏာပိုင်အဖွဲ့ကစုံစမ်းနေတယ်လို့ AA က ထုတ်ပြန်ပါတယ်။
ပြီးခဲ့တဲ့ ဒီဇင်ဘာလ ၂၀ ရက်နေ့က ဘူးသီးတောင်မြို့ အမှတ် (၄) ရပ်ကွက်ရှိ အာလီဂျူဟဆိုသူရဲ့ နေအိမ်မှ မီးစတင်လောင်ကျွမ်းခဲ့ပြီး အဲ့ဒီကတစ်ဆင့် အနီးဝန်းကျင်ရှိ လူနေအိမ်တွေကို မီးကူးဆက်လောက်ကျွမ်းခဲ့ပြီး ဒေသခံနေအိမ် ၂၆ လုံး မီးလောက်ပျက်စီးခဲ့တယ်လို့ အိမ်ပိုင်ရှင်တွေရဲ့ အမည်စာရင်းနဲ့တကွ AA က ထုတ်ပြန် ထားပါတယ်။
မီးလောင်မှုဖြစ်စဉ်ကို ရက္ခိုင်အမျိုးသားအဖွဲချုပ်/အာရက္ခတပ်တော် ( ULA/AA) တပ်ဖွဲဝင်တွေနဲ့ ဒေသခံပြည်သူ လူထုတို့ ပူးပေါင်းပြီး ဝိုင်းဝန်းမီးငြိမ်းသတ်ခဲ့မှုကြောင့် ယင်းနေ့ ညနေ (၆) နာရီခန့်မှာ မီးငြိမ်းသွားခဲ့တယ်လို့ ဆိုပါတယ်။
၎င်းမီးလောင်မှုဖြစ်စဉ် နဲ့ ပတ်သက်ပြီး ရက္ခိုင်ပြည်သူ့အာဏာပိုင်အဖွဲမှ စုံစမ်းစစ်ဆေးလျက်ရှိကြောင်းနဲ့ နောက်ဆက်တွဲသတင်းတွေကို ထပ်မံအသိပေးထုတ်ပြန်သွားမယ်လို့လည်း ဆိုထားပါတယ်။
Photo – AA Info Desk
