ဘင်္ဂလားဒေ့ရှ်ဝန်ကြီးချုပ်ဟောင်း ရှိတ်ဟာစီနာကို လူသားမျိုးနွယ်အပေါ် ကျူးလွန်တဲ့ ရာဇဝတ်မှုတွေအတွက် အပြစ်ရှိတယ်ဆိုပြီး ဘင်္ဂလားဒေ့ရှ်နိုင်ငံ အပြည်ပြည်ဆိုင်ရာ ရာဇဝတ်ခုံံးရုံး ICT ကနေ နိုဝင်ဘာလ ၁၇ ရက်မှာ အမိန့်ချလိုက်ပါတယ်။
အဲ့ဒီတရားရုံကနေ ဝန်ကြီးချုပ်ဟောင်း ရှိတ်ဟာစီနာနဲ့ ပြည်ထဲရေးဝန်ကြီးဟောင်း အာဆာဒူဇာမန်ခန်း ကမယ် တို့ကို သေဒဏ်ချမှတ်ခဲ့ပြီး IGP ရဲချုပ်ဟောင်း ချောင်ဒူရီ အဗ္ဗဒူလာ အယ်မာမွန် ကို ထောင်ဒဏ် ၅ နှစ် ချမှတ်လိုက်တာဖြစ်ပါတယ်။
ဒါဟာ ဘင်္ဂလားဒေ့ရှ်နိုင်ငံ အပြည်ပြည်ဆိုင်ရာ ရာဇဝတ်ခုံံးရုံး ICT ကနေ ဝန်ကြီးချုပ်ဟောင်းတဦးကို ပထမဆုံးသေဒဏ်ချမှတ်လိုက်တာပဲဖြစ်ပါတယ်။
သူတို့ကို ၂၀၂၄ ခုနှစ် ဇူလိုင်လကနေ သြဂုတ်လအထိ ကျောင်းသားအုံကြွမှုမှာ ပြင်းပြင်းထန်ထန် နှိမ်နင်းဖို့ အမိန့်ပေးခဲ့တာနဲ့ လူသေစေမှုတွေအတွက် ဦးတည်ပြီး တရားစွဲဆိုခဲ့တာဖြစ်ပါတယ်။
တရားစီရင်ခံရသူ ၃ ယောက်ဟာ ရဟတ်ယာဉ်တွေ၊ ဒရုန်းတွေ နဲ့ သေစေနိုင်တဲ့ လက်နက်တွေ သုံးဖို့ အမိန့်ပေးတာ၊ သတ်ဖြတ်မှုတွေ ညှဉ်းပန်းနှိပ်စက်မှုတွေ မီးရှိုးမှုတွေကို အမိန့်ပေးခဲ့တယ်လို့ တရားရုံးက တွေ့ရှိတာကြောင့် ခုလို သေဒဏ်ချမှတ်ခံရတာဖြစ်ပါတယ်။
