စစ်ကောင်စီရဲ့ အလုပ်သမားဝန်ကြီးဌာနအနေနဲ့ အေဂျင်စီတစ်ခုကို ဆယ်ဂဏန်းဝန်းကျင်သာ လုပ်သားစေလွှတ်ခွင့်ပြုထားပါတယ်။
မတ် ၂၂ ရက်ကစပြီး စစ်ကောင်စီအလုပ်သမားဝန်ကြီးဌာနဟာ နိုင်ငံအလိုက်စေလွှတ်နေတဲ့ လုပ်သားဦးရေကို ကန့်သတ်လိုက်တာဖြစ်ပါတယ်။
စေလွှတ်ခွင့်ပြုထားတဲ့စာရင်းတွေအရ ထိုင်းနိုင်ငံအတွက် ၅၀ ဦး၊ ဂျပန်နိုင်ငံအတွက် ၁၅ ဦးနဲ့ ကိုရီးယားနိုင်ငံအတွက် ၁၀ဦး စင်ကာပူ အတွက် လုပ်သား ၅ ဦး ၊ မလေးရှားနိုင်ငံ အတွက် ၂၀ သတ်မှတ်ထားတာဖြစ်ပါတယ်။
ဒါ့အပြင် အလုပ်ခေါ်စာကိုလည်းတလတစ်ကြိမ်သာတင်ပြရမှာဖြစ်ပါတယ်။
ဖော်ပြပါ လုပ်သားဦးရေတွေအတွက် ၂၀၂၅ ခုနှစ် ဇန်နဝါရီ ၃၀ရက် မတိုင်မီ က အခြားနိုင်ငံတွေ အတွက် အေဂျင်စီ တွေ မှ အလုပ်ခေါ်စာ တင်ပြ တာမှာ သတ်မှတ်လူဦးရေ ၁၀ဦး အထက် ပိုနေပါက ပြန်လည်ပြင်ဆင်တင်ပြရမယ်လို့ ဆိုပါတယ်။
အလုပ်ခေါ်စာ အသစ်တွေကိုတော့ လာမယ့် မေလ ၂ ရက် စတင်လက်ခံမယ်လို့ စစ်ကောင်စီအလုပ်သမားဝန်ကြီးဌာနက အသိပေးထားပါတယ်။
ပုံစာ – ကိုရီးယားသမ္မတနိုင်ငံသို့ အစိုးရပြည်ပအလုပ် အကိုင်အေဂျင်စီ (POEA) မှတစ်ဆင့် EPS စနစ်ဖြင့် စေလွှတ်သော အလုပ်သမားများ
ဓါတ်ပုံ – ဓာတ်ပုံ – ဆိုးလ်မြို့ ၊ မြန်မာသံရုံး
