Homeပြည်တွင်းသတင်းပျောက်ဆုံးသွားတဲ့ အသက် ၁၇ နှစ်ရွယ် အမျိုးသမီးငယ်ပြန်လည်တွေ့ရှိ

ပျောက်ဆုံးသွားတဲ့ အသက် ၁၇ နှစ်ရွယ် အမျိုးသမီးငယ်ပြန်လည်တွေ့ရှိ

၃ မတ်၊ ၂၀၂၅

နေအိမ်က ပျောက်ဆုံးသွားတဲ့ အသက် ၁၇ နှစ်အရွယ် မဟန်နီဦးကို ပြန်လည်ရှာဖွေ တွေ့ရှိပြီဖြစ်တယ်လို့ သိရပါတယ်။

မဟန်နီဦးဟာ ပြီးခဲ့တဲ့ ဖေဖော်ဝါရီ ၂၇ ရက်က ပုဇွန်တောင်မြို့နယ် မီရထားဝင်း နေအိမ်က ပစ္စည်းဝယ်ရန် ထွက်သွားပြီးတဲ့ နောက် ပျောက်ဆုံးသွားခဲ့တာဖြစ်ပြီး မတ်လ ၂ ရက် ညနေပိုင်းမှာ မိသားစုတွေက အဝေးပြေးကားဝင်းမှာ သွားရောက်ခေါ်ဆောင်ခဲ့တယ်လို့ သိရပါတယ်။

“ဒီအမျိုးသမီငယ်ဟာ ယမန်နေ့ နံနက်ပိုင်းမှာ သူမ၏ သူငယ်ချင်းဖြစ်သူထံ ဆက်သွယ်ပြီး အဝေးပြေးကားဖြင့် ရန်ကုန်သို့ ပြန်လာနေကြောင်း အကြောင်းကြားခဲ့ပြီး၊ ညနေ ၆ နာရီကျော်တွင် သူငယ်ချင်းဖြစ်သူအား အဝေးပြေးကားဂိတ်တွင် လာကြိုပေးပါရန် ဖုန်းဆက်ပြီး ထပ်မံ အကြောင်းကြားလာသဖြင့် မိဘများက သွားရောက် ခေါ်ဆောင်ခဲ့တယ်လို့ သိရှိရပါတယ်။”လို့ Center for Missing & Orphaned Children of Myanmar ဖေ့ဘွတ်စာမျက်နှာမှာရေးသားထားပါတယ်။

ပြန်လည်တွေ့ရှိ​ပေမယ့် အဲ့ဒီအမျိုးသမီးငယ်ဟာ စိတ်အနေအထား ပုံမှန်ပြန်မ​ရောက်သေးဘဲ ဆက်တိုက်ငိုနေခဲ့တယ်လို့ ဆိုပါတယ်။

စိတ်အေးတည်ငြိမ် သွားတဲ့ အချိန်မှာ ဖြစ်ရပ်မှန်ကို ဃဂဏန သိရှိနိုင်ရန် မေးမြန်းသွားပြီး သိရှိရတဲ့ပေါ်မူတည်ကာ လိုအပ်ပါက ဥပဒေဒပိုင်းအရ ဆက်လက်ဆောင်ရွက်သွားမယ်လို့ သိရပါတယ်။

ဆက်စပ် သတင်းများ

Most read