၁၂ နိုဝင်ဘာ၊၂၀၂၄
TNLA ထိန်းချုပ်နယ်မြေဖြစ်တဲ့ နောင်ချိုမြို့ကို နိုဝင်ဘာလ ၁၀ ရက်နေ့ ညနေပိုင်း ၆း၀၀ နာရီဝန်းကျင်မှာ စစ်ကောင်စီတပ်မှ ဂျက်ဖိုက်တာနဲ့ ပေါင် (၃၀၀)ဗုံး ထပ်မံဗုံးကြဲမှုကြောင့် နေအိမ် (၇) လုံး ထိမှန်ပျက်စီးခဲ့ တယ်လို့ သိရပါတယ်။
အဆိုပါတိုက်ခိုက်မှုအတွင်း နောင်ချိုမြို့ ရဲစခန်း၊ စျေးရပ်ကွက် အတွင်းက နေအိမ် ၄ လုံးနဲ့ တောင်ရပ်ကွက် အတွင်းက နေအိမ် ၃ လုံး ထိမှန်ပျက်စီးခဲ့ပြီး လူထိခိုက်မှုမရှိခဲ့ဘူးလို့လည်း သိရပါတယ်။
ပြီးခဲ့တဲ့ နိုဝင်ဘာလ ၄ ရက်နေ့ကလည်း နောင်ချိုမြိုနယ် မြောင်ဇီးရွာကို စစ်ကောင်စီတပ်က ဂျက်ဖိုက်တာနဲ့ ဗုံးကြဲခဲ့မှုကြောင့် နေအိမ်အများအပြား ထိမှန်ပျက်စီးခဲ့ပြီး နိုဝင်ဘာလ ၂ ရက်နေ့တွင်လည်း နောင်ချိုမြိုနယ် ဆမ္မဆယ်ကျေးရွာကို စစ်ကောင်စီတပ်က ဂျက်ဖိုက်တာနဲ့ ၃ ကြိမ်လာရောက်ပြီး ဗုံး(၆)လုံး ကြဲချတိုက်ခိုက်ခဲ့ တာကြောင့် ဒေသခံ (၃)ဦးသေဆုံးပြီး (၆)ဦး ဒဏ်ရာရရှိခဲ့တယ်လို့ TNLA က ထုတ်ပြန်ထားပါတယ်။
ပုံစာ – စစ်ကောင်စီရဲ့လေကြောင်းတိုက်ခိုက်မှုကြောင့် ပျက်စီးခဲ့ရသည့် နောင်ချိုမြို့ ဒေသခံနေအိမ်များ
Photo-PSLF/TNLA
