အမျိုးသားညီညွတ်ရေးအစိုးရ က နိုင်ငံလုံးဆိုင်ရာ ပြည်သူ့ဝမ်းနည်းကြေကွဲမှုနဲ့ နှစ်သိမ့်အားပေးမှု ရက်သတ္တပတ် ကို ဒီနေ့ဧပြီ ၂ ရက် ရက်စွဲနဲ့ ထုတ်ပြန်ကြေညာလိုက်ပါတယ်။
လက်ရှိကာလ ပူဆွေးနေရမှုများအတွက် ပြည်သူမှ ပြည်သူသို့ အချင်းချင်း အားပေးနှစ်သိမ့်ရန် အမျိုးသားညီညွတ်ရေးအစိုးရအနေဖြင့် ဧပြီ ၁၃ ရက် ကနေ ၂၀ ရက်အထိကို နိုင်ငံလုံး ဆိုင်ရာ ပြည်သူ့ဝမ်းနည်းကြေကွဲမှုနဲ့ နှစ်သိမ့်အားပေးမှု ရက်သတ္တပတ်အဖြစ် သတ်မှတ်လိုက်တယ်လို့ ထုတ်ပြန်ချက်ထဲမှာ ဖော်ပြထားပါတယ်။
အဲ့ဒီ ကာလအတွင်း ပြည်တွင်းပြည်ပနေ ပြည်သူတွေ အနေနနဲ့ ပြည်သူက ပြည်သူကို နှစ်သိမ့်အားပေးတာတွေ၊ ကုသိုလ်ကောင်းမှု၊ ဆုတောင်းမှု၊ ငလျင်ဒဏ်ခံ ပြည်သူများအား စာနာရိုင်းပင်းကြောင်း ပြသတဲ့ လုပ်ဆောင်မှုတွေကို ဆောင်ရွက်ပေးကြဖို့ အတွက်လည်း NUG က တိုက်တွန်းပါတယ်။
